24.55C Vancouver 24.55C VancouverDec 7, 2020 5:59 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਸਰਕਾਰ ਦਾ ਫ਼ਾਈਜ਼ਰ ਨਾਲ ਇੱਕ ਇਕਰਾਰਨਾਮਾ ਹੋਇਆ ਹੈ ਜਿਸ ਦੇ ਤਹਿਤ ਹੈਲਥ ਕੈਨੇਡਾ ਵੱਲੋਂ ਮਾਨਤਾ ਮਿਲਦੇ ਸਾਰ, ਕੈਨੇਡਾ ਨੂੰ ਦਿਸੰਬਰ ਦੇ ਮਹੀਨੇ 'ਚ ਹੀ 249,000 ਖੁਰਾਕਾਂ ਮਿਲ ਸਕਣਗੀਆਂ।
ਖੁਰਾਕਾਂ ਦੀ ਪਹਿਲੀ ਸ਼ਿਪਮੈਂਟ ਅਗਲੇ ਹਫ਼ਤੇ ਪਹੁੰਚ ਸਕਦੀ ਹੈ।
ਵੀਕੈਂਡ ਦੌਰਾਨ ਅਟਲਾਂਟਿਕ ਕੈਨੇਡਾ ਵਿੱਚ ਕੋਵਿਡ-19 ਦੇ ਸੱਤ ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਣ ਤੋਂ ਬਾਅਦ, ਅੱਜ ਤੋਂ ਪ੍ਰਿੰਸ ਏਡਵਰਡ ਆਇਲੈਂਡ ਵੱਲੋਂ ਦੋ ਹਫ਼ਤਿਆਂ ਲਈ ਨਵੀਆਂ ਪਾਬੰਦੀਆਂ ਲਗਾਈਆਂ ਜਾ ਰਹੀਆਂ ਹਨ।
ਅੱਜ ਸੂਬੇ ਵਿੱਚ 4 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਗਈ, ਅਤੇ ਇਹ ਸਾਰੇ ਮਾਮਲੇ ਵੀਕੈਂਡ 'ਤੇ ਐਲਾਨੇ ਗਏ ਮਾਮਲਿਆਂ ਨਾਲ ਸੰਬੰਧਿਤ ਸਨ।
ਦੂਜੇ ਪਾਸੇ ਔਨਟੈਰੀਓ ਵਿੱਚ ਅੱਜ 1925 ਨਵੇਂ ਮਾਮਲਿਆਂ ਦਾ ਐਲਾਨ ਕੀਤਾ ਗਿਆ, ਜੋ ਕਿ ਸੂਬੇ ਲਈ ਇੱਕ ਰਿਕਾਰਡ ਅੰਕੜਾ ਹੈ।
ਪ੍ਰੀਮੀਅਰ ਡੱਗ ਫ਼ੋਰਡ ਵੱਲੋਂ ਅੱਜ ਦੁਪਹਿਰ ਸੂਬੇ ਦੇ ਵੈਕਸੀਨ ਪਲਾਨ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ।
ਕਿਉਬੈਕ ਵਿੱਚ ਅੱਜ 1577 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਅਤੇ 22 ਹੋਰ ਲੋਕਾਂ ਦੀ ਮੌਤ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
