24.79C Vancouver 24.79C VancouverFeb 9, 2022 9:56 PM - The Canadian Press
ਬੀ.ਸੀ. 'ਚ ਪ੍ਰਿੰਸ ਜੌਰਜ ਦੇ ਇਲਾਕੇ ਦੀ ਇੱਕ ਖਿਡਾਰਨ ਨੇ ਬੀਜਿੰਗ ਓਲੰਪਿਕਸ 'ਚ ਕਮਾਲ ਕਰ ਵਿਖਾਇਆ ਹੈ।
24 ਸਾਲਾ ਮਾਰੇਐਟਾ ਓ'ਡਾਈਨ ਨੇ ਕੈਨੇਡਾ ਦੀ ਝੋਲੀ ਖੇਡਾਂ ਦਾ 7ਵਾਂ ਮੈਡਲ ਪਾ ਦਿੱਤਾ।
ਸਨੋਬੋਰਡਿੰਗ ਦੀ ਖੇਡ 'ਚ ਔਰਤਾਂ ਦੇ ਸਨੋਬੋਰਡ ਕਰੌਸ ਈਵੈਂਟ ਵਿੱਚ ਪ੍ਰਿੰਸ ਜੌਰਜ ਦੀ ਖਿਡਾਰਨ ਨੇ ਕਾਂਸੀ ਦਾ ਤਗਮਾ ਜਿੱਤਿਆ।
ਇਸ ਈਵੈਂਟ 'ਚ ਸਾਲ 2014 ਦੀਆਂ ਵਿੰਟਰ ਓਲੰਪਿਕਸ ਤੋਂ ਬਾਅਦ ਦੇਸ਼ ਦੀ ਝੋਲੀ 'ਚ ਪਹਿਲੀ ਵਾਰ ਤਗਮਾ ਪਿਆ ਹੈ।
ਸਾਲ 2014 ਦੀਆਂ ਖੇਡਾਂ 'ਚ ਕੈਨੇਡਾ ਨੂੰ ਇਸ ਖੇਡ 'ਚ ਸਿਲਵਰ ਮੈਡਲ ਹਾਸਿਲ ਹੋਇਆ ਸੀ।
ਹਾਲਾਂਕਿ ਮਾਰੇਐਟਾ ਓ'ਡਾਈਨ ਬਾਰੇ ਇਨ੍ਹਾਂ ਖੇਡਾਂ 'ਚ ਮੈਡਲ ਦੀ ਦੌੜ 'ਚ ਹੋਣ ਦਾ ਬਹੁਤ ਚਰਚਾ ਨਹੀਂ ਸੀ ਪਰ ਬੀ.ਸੀ. ਦੀ ਖਿਡਾਰਨ ਨੇ ਚਰਚਾਵਾਂ ਦੇ ਵਿਪਰੀਤ ਮੈਡਲ ਜਿੱਤ ਵਿਖਾਇਆ।
ਇਸੇ ਈਵੈਂਟ 'ਚ ਗੋਲਡ ਮੈਡਲ ਅਮਰੀਕਾ ਦੀ ਖਿਡਾਰਨ ਦੇ ਨਾਮ ਰਿਹਾ ਜਦਕਿ ਚਾਂਦੀ ਦਾ ਤਗਮਾ ਫਰਾਂਸ ਦੀ ਖਿਡਾਰਨ ਨੇ ਆਪਣੇ ਨਾਮ ਕੀਤਾ।
ਖਾਸ ਗੱਲ ਇਹ ਸੀ ਕਿ ਪ੍ਰਿੰਸ ਜੌਰਜ ਦੀ ਹੀ ਟੈਸ ਕਰਿਚਲੋ ਵੀ ਇਸ ਈਵੈਂਟ ਦਾ ਹਿੱਸਾ ਸੀ ਪਰ ਉਹ 6ਵੇਂ ਸਥਾਨ 'ਤੇ ਰਹੀ।
