14.26C Vancouver 14.26C VancouverNov 10, 2020 11:39 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪ੍ਰੋਵਿੰਸ਼ੀਅਲ ਸਰਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕੋਵਿਡ-19 ਨਾਲ ਲੜਾਈ 'ਚ ਵਧੇਰੇ ਮਦਦ ਦੀ ਲੋੜ ਹੋਵੇ ਤਾਂ ਫੈਡਰਲ ਸਰਕਾਰ ਨੂੰ ਦੱਸਿਆ ਜਾਵੇ। ਉਨ੍ਹਾਂ ਕਿਹਾ ਕਿ ਸਾਰੇ ਦੇਸ਼ 'ਚ ਵਾਇਰਸ ਸੰਬੰਧੀ ਮਾਮਲੇ ਵਧਦੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਲੀਡਰ ਨੂੰ ਐਂਟੀ-ਪੈਂਡੇਮਿਕ ਪਬੰਦੀਆਂ 'ਚ ਢਿੱਲ ਨਹੀਂ ਦੇਣੀ ਚਾਹੀਦੀ। ਟਰੂਡੋ ਨੇ ਜ਼ੋਰ ਦਿੱਤਾ ਕਿ ਵਿੱਤੀ ਪ੍ਰਭਾਵ ਬਾਰੇ ਸੋਚਦੇ ਹੋਏ, ਵਾਇਰਸ ਨੂੰ ਫੈਲਣ ਨਹੀਂ ਦਿੱਤਾ ਜਾ ਸਕਦਾ। ਉਨ੍ਹਾਂ ਐਲਾਨ ਕੀਤਾ ਕਿ ਫੈਡਰਲ ਸਰਕਾਰ ਮੈਨੀਟੋਬਾ 'ਚ ਫਰਸਟ ਨੇਸ਼ਨਸ ਲਈ, ਕੋਵਿਡ-19 ਨਾਲ ਨਜਿੱਠਣ ਲਈ $61 ਮਿਲੀਅਨ ਦਾ ਸਹਿਯੋਗ ਦੇਣ ਜਾ ਰਹੀ ਹੈ।
ਟਰੂਡੋ ਨੇ ਕੀਤਾ ਵੈਟਰਨਸ ਅਰਗੇਨਾਈਜ਼ੇਸ਼ਨ ਐਮਰਜੈਂਸੀ ਫੰਡ ਦਾ ਐਲਾਨ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਵੈਟਰਨਸ ਅਰਗੇਨਾਈਜ਼ੇਸ਼ਨ ਐਮਰਜੈਂਸੀ ਫੰਡ ਦਾ ਐਲਾਨ ਕੀਤਾ ਹੈ। ਇਸ 'ਚ $20 ਮਿਲੀਅਨ ਡਾਲਰ ਦੀ ਰਾਸ਼ੀ ਦਾ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਟਰੂਡੋ ਨੇ ਕਿਹਾ ਕਿ ਕੱਲ ਦੇਸ਼ ਰੀਮੈਂਬਰੈਂਸ ਡੇਅ ਮਨਾਵੇਗਾ ਅਤੇ ਇਸ ਦੌਰਾਨ ਵੈਟਰਨਸ ਨੂੰ ਯਾਦ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਵੈਟਰਨਸ ਨੇ ਇਸ ਪੈਂਡੇਮਿਕ ਦੌਰਾਨ ਮੁਸ਼ਕਿਲ ਸਮਾਂ ਵੇਖਿਆ ਹੈ। ਟਰੂਡੋ ਨੇ ਕਿਹਾ ਕਿ ਜਦੋਂ ਦੇਸ਼ ਨੂੰ ਲੋੜ ਸੀ ਤਾਂ ਇਹਨਾਂ ਵੈਟਰਨਸ ਨੇ ਅੱਗੇ ਵੱਧ ਕੇ ਜ਼ਿੰਮੇਵਾਰੀ ਚੁੱਕੀ। ਉਨ੍ਹਾਂ ਕਿਹਾ ਹੁਣ ਜ਼ਿੰਮੇਵਾਰੀ ਚੁੱਕਣ ਦੀ ਵਾਰੀ ਸਾਡੀ ਹੈ।
ਬਾਈਡਨ ਨਾਲ ਕਈ ਮਸਲਿਆਂ 'ਤੇ ਹੋਈ ਗੱਲਬਾਤ: ਟਰੂਡੋ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਔਟਵਾ 'ਚ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਕਿ, ਉਨ੍ਹਾਂ ਦੀ ਕੱਲ ਅਮਰੀਕੀ ਪ੍ਰੈਜ਼ੀਡੈਂਟ-ਇਲੈਕਟ ਜੋ ਬਾਈਡਨ ਨਾਲ ਕੋਵਿਡ-19 ਸੰਬੰਧੀ ਚਰਚਾ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਸਾਹਮਣੇ ਕੋਵਿਡ-19 ਇੱਕ ਵੱਡੀ ਸਮੱਸਿਆ ਬਣਕੇ ਖੜਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ, ਬਾਈਡਨ ਨਾਲ ਉਨ੍ਹਾਂ ਦੀ ਹੋਰ ਮਸਲਿਆਂ 'ਤੇ ਵੀ ਗੱਲਬਾਤ ਹੋਈ ਹੈ, ਪਰ ਅਮਰੀਕਾ ਦੀ ਇਲੈਕਟੋਰਲ ਪ੍ਰੀਕਿਰਿਆ, ਜਾਂ ਮੌਜੂਦਾ ਸਮੇਂ ਖੜੇ ਵਿਵਾਦ ਬਾਰੇ ਟਰੂਡੋ ਨੇ ਟਿੱਪਣੀ ਨਹੀਂ ਕੀਤੀ।
