24.44C Vancouver 24.44C VancouverOct 28, 2020 5:28 PM -
ਕਿਊਬੈਕ ਦੇ ਫਿਟਨੈਸ ਸੈਂਟਰਾਂ ਦੇ ਇੱਕ ਗਰੁੱਪ ਨੇ ਵੀਰਵਾਰ ਤੋਂ ਸਰਕਾਰ ਦੇ ਨਿਰਦੇਸ਼ਾਂ ਦੇ ਖਿਲਾਫ਼ ਜਾ ਕੇ ਜਿਮ ਅਤੇ ਫਿਟਨੈਸ ਸੈਂਟਰ ਖੋਲ੍ਹਣ ਦਾ ਫੈਸਲਾ ਟਾਲ ਦਿੱਤਾ ਹੈ।
ਇਸ ਬਾਰੇ ਗਰੁੱਪ ਵੱਲੋਂ ਅੱਜ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ ਅਤੇ ਦੱਸਿਆ ਗਿਆ ਕਿ ਉਹ ਆਪਣੇ ਕਲਾਇੰਟਸ ਤੋਂ ਮੰਗ ਕਰਦੇ ਹਨ ਕਿ ਵੀਰਵਾਰ ਨੂੰ ਇਨ੍ਹਾਂ ਜਿਮ, ਫਿਟਨੈਸ ਸਟੂਡੀਓ ਅਤੇ ਹੋਰ ਥਾਵਾਂ ਦੇ ਬਾਹਰ, ਪ੍ਰਦਰਸ਼ਨਾਂ ਦੇ ਵਿੱਚ ਸ਼ਾਮਿਲ ਹੋਇਆ ਜਾਵੇ।
ਯਾਦ ਰਹੇ ਕਿਊਬੈਕ 'ਚ ਕੋਰੋਨਾ ਵਾਇਰਸ ਸੰਬੰਧੀ ਮਾਮਲੇ 1 ਲੱਖ ਤੋਂ ਪਾਰ ਹੋ ਗਏ ਹਨ।
ਸੂਬੇ ਦੇ ਕਈ ਇਲਾਕਿਆਂ 'ਚ ਵਧੇਰੇ ਪਬੰਦੀਆਂ ਵੀ ਲਗਾਈਆਂ ਗਈਆਂ ਹਨ, ਪਰ ਇਸ ਦੇ ਬਾਵਜੂਦ ਸੋਮਵਾਰ ਨੂੰ ਕਰੀਬ 200 ਜਿਮ, ਯੋਗਾ, ਡਾਂਸ ਸਟੂਡੀਓ ਅਤੇ ਮਾਰਸ਼ਲ ਆਰਟਸ ਬਿਜ਼ਨਸ ਨਾਲ ਸੰਬੰਧਤ ਗਰੁੱਪ ਨੇ, ਆਪਣੇ ਦਰਵਾਜ਼ੇ ਖੋਲ੍ਹਣ ਦੀ ਗੱਲ ਆਖੀ ਸੀ।
ਇਹਨਾਂ ਦਾ ਕਹਿਣਾ ਸੀ ਕਿ ਪਬੰਦੀਆਂ ਦੀ ਪ੍ਰਵਾਹ ਨਾ ਕਰਦੇ ਹੋਏ, ਵਪਾਰਾਂ ਨੂੰ ਵੀਰਵਾਰ ਤੋਂ ਸ਼ੁਰੂ ਕੀਤਾ ਜਾਵੇਗਾ।
ਹਾਲਾਂਕਿ ਇਸ ਤੋਂ ਬਾਅਦ ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਨੇ ਕਿਹਾ ਸੀ ਕਿ ਅਜਿਹੇ ਵਪਾਰਾਂ ਅਤੇ ਕਲਾਇੰਟਸ ਨੂੰ ਜੁਰਮਾਨੇ ਠੋਕੇ ਜਾ ਸਕਦੇ ਹਨ।
ਯਾਦ ਰਹੇ ਇਸ ਹਫ਼ਤੇ ਤੋਂ ਮੌਂਟਰੀਅਲ ਅਤੇ ਕਿਊਬੈਕ ਸਿਟੀ ਜਿਹੇ ਇਲਾਕਿਆਂ 'ਚ ਲੌਕਡਾਊਨ ਦੇ ਨਿਰਦੇਸ਼ 28 ਅਕਤੂਬਰ ਦੀ ਜਗ੍ਹਾ, 23 ਨਵੰਬਰ ਤੱਕ ਵਧਾ ਦਿੱਤੇ ਗਏ ਹਨ।
