11.71C Vancouver 11.71C VancouverAug 6, 2025 6:25 PM - The Canadian Press
ਕਿਊਬੈਕ ਦੇ ਮਾਂਟਰੀਅਲ-ਟਰੂਡੋ ਇੰਟਰਨੈਸ਼ਨਲ ਏਅਰਪੋਰਟ ਅਤੇ ਹੋਰ ਮਹੱਤਵਪੂਰਨ ਇਨਫਰਾਸਟਕਚਰ ਨੂੰ ਉਡਾਉਣ ਦੀ ਆਨਲਾਈਨ ਧਮਕੀ ਦੇਣ ਦੇ ਮਾਮਲੇ ਵਿਚ ਪੁਲਿਸ ਨੇ ਇੱਕ 38 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ।ਆਰ.ਸੀ.ਐਮ.ਪੀ. ਦੇ ਬਿਆਨ ਅਨੁਸਾਰ, 38 ਸਾਲਾ ਵਿਅਕਤੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ X 'ਤੇ ਧਮਕੀ ਭਰੀਆਂ ਪੋਸਟਾਂ ਪਾਈਆਂ ਸਨ, ਜਿਸ ਵਿਚ ਮਾਂਟਰੀਅਲ-ਟਰੂਡੋ ਇੰਟਰਨੈਸ਼ਨਲ ਏਅਰਪੋਰਟ, ਪੋਰਟ ਆਫ ਮਾਂਟਰੀਅਲ, ਹਾਈਡ੍ਰੋ-ਕਿਊਬੈਕ ਦੇ ਕੰਟਰੋਲ ਕੇਂਦਰ ਅਤੇ ਵੱਖ-ਵੱਖ ਆਵਾਜਾਈ ਨੈੱਟਵਰਕ 'ਤੇ ਹਮਲੇ ਦੀਆਂ ਧਮਕੀਆਂ ਸ਼ਾਮਲ ਸਨ।
ਹਾਈਡ੍ਰੋ-ਕਿਊਬੈਕ ਦੇ ਸੁਰੱਖਿਆ ਵਿਭਾਗ ਨੇ ਮਾਂਟਰੀਅਲ ਪੁਲਿਸ ਨੂੰ ਇਸ ਬਾਰੇ ਸੂਚਿਤ ਕੀਤਾ। ਕ੍ਰਿਸ਼ਚੀਅਨ ਬੈਰੀਆਲਟ 'ਤੇ ਸਰੀਰਕ ਨੁਕਸਾਨ ਪਹੁੰਚਾਉਣ ਦੀਆਂ ਧਮਕੀਆਂ ਦੇਣ ਅਤੇ ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਉਣ ਦੀਆਂ ਧਮਕੀਆਂ ਸਮੇਤ ਤਿੰਨ ਚਾਰਜ ਲਗਾਏ ਗਏ ਹਨ।
ਪੁਲਿਸ ਨੇ ਕਿਹਾ ਕਿ ਸੋਮਵਾਰ ਨੂੰ ਉਸ ਦੀ ਮਾਂਟਰੀਅਲ ਕੋਰਟਹਾਊਸ ਵਿਚ ਵੀਡੀਓ ਕਾਨਫਰੰਸ ਰਾਹੀਂ ਪੇਸ਼ੀ ਹੋਈ ਹੈ ਅਤੇ ਕ੍ਰਾਊਨ ਵਲੋਂ ਬਿਨਾਂ ਕਿਸੇ ਇਤਰਾਜ਼ ਦੇ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ, ਅੱਗੇ ਦੀ ਕਾਰਵਾਈ ਲਈ ਉਹ ਅਕਤੂਬਰ ਵਿਚ ਪੇਸ਼ ਹੋਵੇਗਾ।
