10.85C Vancouver 10.85C VancouverApr 5, 2020 10:42 PM -
ਬ੍ਰਿਟੇਨ ਦੀ ਰਾਣੀ, ਕਵੀਨ ਐਲਿਜਾਬੈਥ II ਨੇ ਅੱਜ ਯੂ.ਕੇ. ਅਤੇ ਕਾਮਨਵੈਲਥ ਦੇਸ਼ਾਂ ਨੂੰ ਇੱਕ ਪ੍ਰੀਰਿਕਾਰਡਿਡ ਟੈਲੀਵਾਈਜ਼ਡ ਬ੍ਰੌਡਕਾਸਟ (pre-recorded televised broadcast) ਆਸਰੇ ਸੰਬੋਧਨ ਕੀਤਾ।
ਕਵੀਨ ਨੇ ਮੌਜੂਦਾ ਕੋਵਿਡ-19 ਸੰਕਟ ਬਾਰੇ ਗੱਲਬਾਤ ਕੀਤੀ, ਜਿਸਦੇ ਕਾਰਨ ਯੂ.ਕੇ. 'ਚ 42,000 ਤੋਂ ਵਧੇਰੇ ਲੋਕ ਪ੍ਰਭਾਵਿਤ ਹੋਏ ਹਨ, ਅਤੇ 4,313 ਲੋਕਾਂ ਦੀ ਜਾਨ ਚਲੀ ਗਈ ਹੈ।
ਆਪਣੇ ਸੰਬੋਧਨ ਦੌਰਾਨ ਕਵੀਨ ਨੇ ਹੈਲਥਕੇਅਰ ਵਰਕਰਾਂ ਦਾ ਧੰਨਵਾਦ ਕੀਤਾ।
ਇਸਤੋਂ ਅਲਾਵਾ ਉਨ੍ਹਾਂ ਹੋਰ ਜਰੂਰੀ ਸੇਵਾਵਾਂ ਨੂੰ ਜਾਰੀ ਰੱਖਣ ਵਾਲਿਆਂ ਦਾ ਵੀ ਧੰਨਵਾਦ ਕੀਤਾ।
ਉਨ੍ਹਾਂ ਸੋਸ਼ਲ ਅਤੇ ਫਿਜੀਕਲ ਡਿਸਟੈਨਸਿੰਗ 'ਚ ਯੋਗਦਾਨ ਪਾਉਣ ਵਾਲੇ ਸਾਰੇ ਲੋਕਾਂ ਦਾ ਵੀ ਧੰਨਵਾਦ ਕੀਤਾ।
ਕਵੀਨ ਨੇ ਇਸ ਚੁਣੌਤੀ ਭਰਪੂਰ ਸਮੇਂ ਦੌਰਾਨ, ਸਾਰੇ ਲੋਕਾਂ ਨੂੰ ਹੌਂਸਲਾ ਬਣਾ ਕੇ ਰੱਖਣ ਲਈ ਆਖਿਆ।
ਉਨ੍ਹਾਂ ਕਿਹਾ ਕਿ ਜਰੂਰੀ ਹੈ ਕਿ ਇਸ ਮੁਸ਼ਕਿਲ ਘੜੀ 'ਚ ਏਕਾ ਬਣਾ ਕੇ ਰਖਿਆ ਜਾਵੇ ਅਤੇ ਆਪਾਂ ਮਿਲਕੇ ਇਸਤੇ ਜਿੱਤ ਦਰਜ ਕਰਾਂਗੇ।
ਕਵੀਨ ਨੇ ਵਾਅਦਾ ਕੀਤਾ ਕਿ ਆਪਾਂ ਦੁਬਾਰਾ ਮਿਲਾਂਗੇ।
ਉਨ੍ਹਾਂ ਦੇ 68 ਸਾਲ ਦੇ ਕਾਰਜਕਾਲ 'ਚ ਇਹ ਸਿਰਫ 5ਵਾਂ ਮੌਕਾ ਹੈ ਜਦ ਉਨ੍ਹਾਂ ਉਚੇਚੇ ਤੌਰ 'ਤੇ ਬਿਟੋਨਸ ਨੂੰ ਸੰਬੋਧਨ ਕੀਤਾ ਹੋਵੇ।
ਉਨ੍ਹਾਂ ਦਾ ਅੱਜ ਚਲਾਇਆ ਗਿਆ ਬਿਆਨ ਵੀਰਵਾਰ ਨੂੰ ਵਿੰਡਸਰ ਕੈਸਲ 'ਚ ਰਿਕਾਰਡ ਕੀਤਾ ਗਿਆ ਸੀ।
