19.1C Vancouver 19.1C VancouverJul 21, 2020 3:21 PM -
ਉਸ ਦੀਆਂ ਦੋ ਬੇਟੀਆਂ ਦੀ ਆਖਰੀ ਵਿਦਾਇਗੀ ਦੀਆਂ ਰਸਮਾਂ ਤੋਂ ਕੁਝ ਘੰਟੇ ਬਾਅਦ, ਕਿਊਬੈਕ ਪੁਲਿਸ ਨੂੰ ਦੋ ਹਫਤਿਆਂ ਦੀ ਭਾਲ ਤੋਂ ਬਾਅਦ ਜਿੱਥੇ ਲਾਪਤਾ ਹੋਏ ਆਦਮੀ ਦੀ ਮ੍ਰਿਤਕ ਦੇਹ ਬਰਾਮਦ ਹੋ ਗਈ ਹੈ, ਓਥੇ ਦੀ ਇਸ ਮਾਮਲੇ ਨਾਲ ਸੰਬੰਧਤ ਕਈ ਸਵਾਲਾਂ ਦੇ ਜਵਾਬ ਹਾਲੇ ਮਿਲਣੇ ਬਾਕੀ ਹਨ।
ਸੂਬਾਈ ਪੁਲਿਸ ਵਲੋਂ ਇਹ ਗੱਲ ਟਵਿੱਟਰ ਰਾਹੀਂ ਸਾਂਝੀ ਕੀਤੀ ਗਈ ਕਿ ਇੱਕ ਮ੍ਰਿਤਕ ਦੇਹ ਕਿਊਬੈਕ ਸਿਟੀ ਦੇ ਨਜ਼ਦੀਕ ਸੇਂਟ ਅੱਪੋਲੀਨੇਅਰ ਦੇ ਇਲਾਕੇ ਤੋਂ ਬਰਾਮਦ ਕੀਤੀ ਗਈ ਹੈ ਜੋ ਕਿ ਮਾਰਟਿਨ ਕਾਰਪੇਂਟਏਅਰ ਦੀ ਮੰਨੀ ਜਾ ਰਹੀ ਹੈ।
ਪੁਲਿਸ ਮੁਤਾਬਕ ਪ੍ਰਤੀਤ ਹੁੰਦਾ ਹੈ ਕਿ ਕਾਰਪੇਂਟਏਅਰ ਨੇ ਆਪਣੀ ਜਾਨ ਆਪ ਲਈ ਹੈ ਪਰ ਉਸ ਦੇ ਲਾਪਤਾ ਹੋਣ ਦੇ ਸੰਬੰਧ ਵਿੱਚ ਹੋਰ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ।
8 ਜੁਲਾਈ ਨੂੰ ਕਾਰਪੇਂਟਏਅਰ ਅਤੇ ਉਸ ਦੀਆਂ ਬੇਟੀਆਂ ਸੇਂਟ ਅੱਪੋਲੀਨੇਅਰ ਵਿਖੇ ਇੱਕ ਸੜਕ ਹਾਦਸੇ ਵਿੱਚ ਸ਼ਾਮਲ ਸਨ ਪਰ ਜਦ ਪੁਲਿਸ ਓਥੇ ਪਹੁੰਚੀ ਤਾਂ ਗੱਡੀ ਵਿੱਚ ਕੋਈ ਵੀ ਮੌਜੂਦ ਨਹੀਂ ਸੀ।
ਉਸ ਤੋਂ ਅਗਲੇ ਦਿਨ ਇੱਕ ਐਂਬਰ ਅਲਰਟ ਜਾਰੀ ਕਰ ਦਿੱਤਾ ਗਿਆ ਸੀ ਜਿਸ ਨੂੰ 11 ਜੁਲਾਈ ਨੂੰ ਉਦੋਂ ਰੱਦ ਕਰ ਦਿੱਤਾ ਗਿਆ ਜਦ 11 ਸਾਲਾ ਨੋਰਾ ਅਤੇ 6 ਸਾਲਾ ਰੋਮੀ ਦੀਆਂ ਮ੍ਰਿਤਕ ਦੇਹਾਂ ਉਸੇ ਸ਼ਹਿਰ ਦੇ ਇੱਕ ਜੰਗਲੀ ਇਲਾਕੇ ਤੋਂ ਬਰਾਮਦ ਹੋਈਆਂ।
ਸੋਮਵਾਰ ਦੁਪਹਿਰ ਨੂੰ ਲਿਵਾਏ, ਕਿਊਬੈਕ ਵਿਖੇ ਲੜਕੀਆਂ ਨੂੰ ਆਖਰੀ ਵਿਦਾਇਗੀ ਦੇਣ ਲਈ ਸੈਂਕੜੇ ਲੋਕ ਮੌਜੂਦ ਸਨ।
