9.76C Vancouver 9.76C VancouverJul 14, 2020 2:27 AM -
ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਰਾਜਸਥਾਨ 'ਚ ਜਾਰੀ ਕਾਂਗਰਸ ਸਰਕਾਰ ਦੇ ਪਲਟਣ ਦੀ ਚਿੰਤਾ ਅਤੇ ਸਚਿਨ ਪਾਈਲਟ ਦੀ ਨਾਰਾਜ਼ਗੀ ਦੇ ਵਿਵਾਦ ਵਿਚਾਲੇ ਕੁਝ ਟਵੀਟ ਕੀਤੇ ਹਨ।
ਰਾਹੁਲ ਗਾਂਧੀ ਨੇ ਇਹ ਵੀ ਦੱਸਿਆ ਹੈ ਕਿ ਉਹ ਇੱਕ ਵੀਡੀਓ ਸੀਰੀਜ਼ ਜਾਰੀ ਕਰਨ ਜਾ ਰਹੇ ਹਨ ਜਿਸ ਦੇ ਆਸਰੇ ਉਹ "ਸੱਚ ਵਿੱਚ ਦਿਲਚਸਪੀ ਰੱਖਣ ਵਾਲੇ ਲੋਕਾਂ" ਦੇ ਲਈ 14 ਜੁਲਾਈ ਤੋਂ "ਮੌਜੂਦਾ ਮਾਮਲਿਆਂ, ਇਤਿਹਾਸ ਅਤੇ ਵਿਵਾਦਾਂ ਬਾਰੇ ਬਿਹਤਰ ਤਸਵੀਰ ਉਜਾਗਰ" ਕਰਨ ਦੀ ਕੋਸ਼ਿਸ਼ ਕਰਨਗੇ।
ਉਨ੍ਹਾਂ ਆਪਣੇ ਟਵੀਟਸ 'ਚ ਇਹ ਵੀ ਇਸ਼ਾਰਾ ਕੀਤਾ ਕਿ ਭਾਰਤੀ ਮੀਡੀਆ ਦੇ ਵੱਡੇ ਹਿੱਸੇ 'ਤੇ ਫਾਸੀਵਾਦੀਆਂ ਨੇ ਕਬਜ਼ਾ ਕਰ ਲਿਆ ਹੈ।
ਉਨ੍ਹਾਂ ਕਿਹਾ ਕਿ ਝੂਠ ਦੇ ਆਸਰੇ ਭਾਰਤ ਨੂੰ ਤੋੜਿਆ ਜਾ ਰਿਹਾ ਹੈ।
ਰਾਹੁਲ ਗਾਂਧੀ ਨੇ ਆਪਣੇ ਇੱਕ ਟਵੀਟ 'ਚ ਲਿਖਿਆ, "ਅੱਜ ਭਾਰਤ ਦੇ ਨਿਊਜ਼ ਮੀਡੀਆ ਦੇ ਇੱਕ ਵੱਡੇ ਹਿੱਸੇ ਨੂੰ ਫਾਸੀਵਾਦੀਆਂ ਨੇ ਆਪਣੇ ਕਬਜ਼ੇ 'ਚ ਲੈ ਲਿਆ ਹੈ। ਟੀ.ਵੀ. ਚੈਨਲ, ਵਾਟਸਐਪ ਫਾਰਵਰਡ ਅਤੇ ਝੂਠੀਆਂ ਖਬਰਾਂ ਵਿੱਚ ਇੱਕ ਨਫਰਤ ਭਰਿਆ ਨੈਰੇਟਿਵ (ਸੁਨੇਹਾ) ਚਲਾਇਆ ਜਾ ਰਿਹਾ ਹੈ। ਝੂਠ ਦੇ ਨੈਰੇਟਿਵ ਦੇ ਨਾਲ ਭਾਰਤ ਨੂੰ ਤੋੜਿਆ ਜਾ ਰਿਹਾ ਹੈ। ਮੈਂ ਆਪਣੇ ਮੌਜੂਦਾ ਸਮੇਂ ਦੇ ਮਾਮਲੇ, ਇਤਿਹਾਸ ਅਤੇ ਵਿਵਾਦਾਂ ਬਾਰੇ ਉਨ੍ਹਾਂ ਲੋਕਾਂ ਤੱਕ ਸਹੀ ਤਸਵੀਰ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਾਂਗਾ, ਜੋ ਕਿ ਸੱਚ ਜਾਨਣ 'ਚ ਦਿਲਚਸਪੀ ਰੱਖਦੇ ਹਨ। ਮੈਂ ਕੱਲ ਤੋਂ ਇੱਕ ਵੀਡੀਓ ਜ਼ਰੀਏ ਤੁਹਾਡੇ ਨਾਲ ਆਪਣੇ ਖਿਆਲ ਸਾਂਝੇ ਕਰਾਂਗਾ।"
ਇਸ ਤੋਂ ਪਹਿਲਾਂ ਰਾਹੁਲ ਗਾਂਧੀ ਨੇ ਉਸ ਬਿਆਨ 'ਤੇ ਸਵਾਲ ਖੜੇ ਕੀਤੇ, ਜਿਸ ਦੇ ਵਿੱਚ ਭਾਰਤ ਦੀ ਕੋਵਿਡ-19 ਸੰਬੰਧੀ ਸਥਿਤੀ ਨੂੰ ਠੀਕ ਦੱਸਿਆ ਗਿਆ ਸੀ।
ਆਪਣੇ ਇੱਕ ਟਵੀਟ 'ਚ ਰਾਹੁਲ ਗਾਂਧੀ ਨੇ ਲਿਖਿਆ ਸੀ, "ਕੋਵਿਡ-19 ਖਿਲਾਫ਼ ਲੜਾਈ 'ਚ ਭਾਰਤ ਦੀ ਸਥਿਤੀ ਚੰਗੀ ਹੈ?"
