ਸੀ.ਐਮ. ਯੋਗੀ ਨੇ ਕਿਹਾ, ਕਨੂੰਨ ਦੀ ਖਿਲਾਫਤ ਦੇ ਨਾਂ 'ਤੇ ਆਜ਼ਾਦੀ ਦੇ ਨਾਅਰੇ ਲਗਾਉਣਾ ਦੇਸ਼ਧ੍ਰੋਹ ਵਰਗਾ

ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਬੁੱਧਵਾਰ ਨੂੰ ਨਾਗਰਿਕਤਾ ਕਨੂੰਨ ਦੇ ਖਿਲਾਫ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੂੰ ਚਿਤਾਵਨੀ ਦਿੱਤੀ ਹੈ।

ਚਿਤਾਵਨੀ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਆਜ਼ਾਦੀ ਦੇ ਨਾਅਰੇ ਲਗਾਉਣਾ ਦੇਸ਼ਧ੍ਰੋਹ ਮੰਨਿਆ ਜਾਵੇਗਾ, ਅਤੇ ਇਸੇ ਦੇ ਅਨੁਸਾਰ ਕਾਰਵਾਈ ਕੀਤੀ ਜਾਵੇਗੀ।

ਖਬਰ ਅਜੈਂਸੀ ਏ.ਐਨ.ਆਈ. ਅਨੁਸਾਰ ਕਾਨਪੁਰ ਦੇ ਸਾਕੇਤਨਗਰ ਸਥਿਤ ਮੈਦਾਨ 'ਚ ਬੁੱਧਵਾਰ ਨੂੰ ਸੀ.ਏ.ਏ. ਕਨੂੰਨ ਦੇ ਪੱਖ 'ਚ ਰੱਖੀ ਗਈ ਇੱਕ ਰੈਲੀ ਦੌਰਾਨ ਲੋਕਾਂ ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਇਹ ਗੱਲ ਆਖੀ।

ਉਨ੍ਹਾਂ ਕਿਹਾ 'ਜੇਕਰ ਕਿਸੇ ਨੇ ਪ੍ਰਦਰਸ਼ਨ ਦੇ ਨਾਮ 'ਤੇ ਆਜ਼ਾਦੀ ਦੇ ਨਾਅਰੇ ਲਗਾਏ, ਤਾਂ ਇਸਨੂੰ ਦੇਸ਼ਧ੍ਰੋਹ ਦੀ ਤਰ੍ਹਾਂ ਮੰਨਿਆ ਜਾਵੇਗਾ, ਅਤੇ ਸਰਕਾਰ ਸਖਤੀ ਨਾਲ ਪੇਸ਼ ਆਵੇਗੀ।'

ਉਨ੍ਹਾਂ ਕਿਹਾ ਇਹ ਸਭ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ।