10.89C Vancouver 10.89C VancouverJul 15, 2020 2:04 AM -
ਰਾਜਸਥਾਨ ਦੇ ਟੌਂਕ 'ਚ ਕਾਂਗਰਸ ਦੇ 59 ਦਫ਼ਤਰੀ ਅਹੁਦੇਦਾਰਾਂ ਨੇ ਅਸਤੀਫਾ ਦੇ ਦਿੱਤਾ ਹੈ। ਸਚਿਨ ਪਾਈਲਟ ਨੂੰ ਉਪ ਮੁੱਖ ਮੰਤਰੀ ਦੇ ਅਹੁਦੇ ਤੋਂ ਹਟਾਏ ਜਾਣ ਤੋਂ ਬਾਅਦ ਇਹ ਅਸਤੀਫੇ ਦਿੱਤੇ ਗਏ ਹਨ।
ਸਚਿਨ ਪਾਈਲਟ ਨੂੰ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਵਜੋਂ ਵੀ ਹਟਾ ਦਿੱਤਾ ਗਿਆ ਹੈ।
ਇਨ੍ਹਾਂ ਦਫ਼ਤਰੀ ਅਹੁਦੇਦਾਰਾਂ ਤੋਂ ਅਲਾਵਾ, ਪਾਲੀ ਤੋਂ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਚੁੰਨੀਲਾਲ ਚੜਵਸ ਨੇ ਵੀ ਅਸਤੀਫਾ ਦੇ ਦਿੱਤਾ ਹੈ।
ਆਪਣੇ ਅਸਤੀਫੇ ਪਿੱਛੇ ਦਾ ਕਾਰਨ ਦੱਸਦੇ ਹੋਏ ਚੜਵਸ ਨੇ ਕਿਹਾ ਕਿ ਉਹ ਸਚਿਨ ਪਾਈਲਟ ਨਾਲ ਹੋਏ ਗੈਰ ਸੰਵਿਧਾਨਿਕ ਵਿਵਹਾਰ ਤੋਂ ਬੇਹੱਦ ਨਿਰਾਸ਼ ਹਨ।
ਇਸ ਤੋਂ ਪਹਿਲਾਂ ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਸੂਬੇ ਦੇ ਗਵਰਨਰ ਕਲਰਾਜ ਮਿਸ਼ਰਾ ਨਾਲ ਮੁਲਾਕਾਤ ਕੀਤੀ ਸੀ ਉਨ੍ਹਾਂ ਗਵਰਨਰ ਤੋਂ ਮੰਗ ਕੀਤੀ ਸੀ ਕਿ ਪਾਈਲਟ ਅਤੇ ਉਨ੍ਹਾਂ ਦੇ ਕਰੀਬੀਆਂ ਨੂੰ ਸੂਬੇ ਦੇ ਮੰਤਰੀਆਂ ਦੇ ਕਾਉਂਸਿਲ ਤੋਂ ਹਟਾ ਦਿੱਤਾ ਜਾਵੇ।
ਹਾਲਾਂਕਿ ਪਾਈਲਟ ਦੇ ਕੁਝ ਕਰੀਬੀਆਂ ਦਾ ਕਹਿਣਾ ਹੈ ਕਿ ਉਹ ਭਾਜਪਾ ਨਾਲ ਜੁੜਨ ਬਾਰੇ ਵਿਚਾਰ ਨਹੀਂ ਕਰ ਰਹੇ ਹਨ।
ਯਾਦ ਰਹੇ ਅੱਜ ਸਚਿਨ ਪਾਈਲਟ ਦੇ ਸਮਰਥਕਾਂ ਨੇ ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਦਾ ਪੁਤਲਾ ਵੀ ਸਾੜਿਆ ਸੀ। ਉਨ੍ਹਾਂ ਸਚਿਨ ਪਾਈਲਟ ਦੇ ਸਹਿਯੋਗ 'ਚ ਨਾਅਰੇਬਾਜ਼ੀ ਵੀ ਕੀਤੀ।
