9.72C Vancouver 9.72C VancouverAug 11, 2020 2:20 AM -
ਰਾਜਸਥਾਨ ਦੇ ਸਾਬਕਾ ਉਪ ਮੁੱਖ ਮੰਤਰੀ ਸਚਿਨ ਪਾਈਲਟ ਨੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਅਤੇ ਹੋਰ ਸੀਨੀਅਰ ਕਾਂਗਰਸੀ ਨੇਤਾਵਾਂ ਨਾਲ ਸੋਮਵਾਰ ਨੂੰ ਬੈਠਕ ਕੀਤੀ।
ਇਸ ਬੈਠਕ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਸਚਿਨ ਪਾਈਲਟ ਨੇ ਕਿਹਾ, "ਬੀਤੇ ਕੁਝ ਸਮੇਂ ਤੋਂ ਕੁਝ ਸਾਥੀ ਵਿਧਾਇਕ ਦਿੱਲੀ 'ਚ ਹੀ ਸਨ, ਅਤੇ ਕੁਝ ਅਜਿਹੇ ਮੁੱਦੇ ਸਨ ਜੋ ਕਿ ਅਸੀਂ ਚਰਚਾ 'ਚ ਲਿਆਉਣਾ ਚਾਹੁੰਦੇ ਸੀ। ਮੈਂ ਅਜਿਹਾ ਹੀ ਕੀਤਾ। ਮੈਂ ਸ਼ੁਰੂ ਤੋਂ ਹੀ ਕਿਹਾ ਸੀ ਕਿ ਇਹ ਅਸੂਲਾਂ ਦਾ ਮਸਲਾ ਹੈ। ਮੈਨੂੰ ਹਮੇਸ਼ਾ ਹੀ ਲਗਦਾ ਹੈ ਕਿ ਪਾਰਟੀ ਦੇ ਹੱਕ 'ਚ ਰਹਿੰਦੇ ਹੋਏ ਆਵਾਜ਼ ਬੁਲੰਦ ਕੀਤੀ ਜਾ ਸਕਦੀ ਹੈ।"
ਉਨ੍ਹਾਂ ਨਾਲ ਹੀ ਕਿਹਾ, "ਕਾਫੀ ਕੁਝ ਕਿਹਾ ਗਿਆ, ਮੈਂ ਕਈ ਗੱਲਾਂ ਸੁਣੀਆਂ। ਕੁਝ ਗੱਲਾਂ ਨੇ ਮੈਨੂੰ ਹੈਰਾਨ ਕੀਤਾ। ਮੈਨੂੰ ਲਗਦਾ ਹੈ ਕਿ ਹਮੇਸ਼ਾ ਹੀ ਸੰਜਮ ਅਤੇ ਨਿਮਰਤਾ ਬਣਾ ਕੇ ਰੱਖਣੀ ਚਾਹੀਦੀ ਹੈ। ਰਾਜਨੀਤੀ 'ਚ ਨਿੱਜੀ ਬੁਰਾਈ ਦੀ ਕੋਈ ਲੋੜ ਨਹੀਂ ਹੈ। ਅਸੀਂ ਰਾਜਸਥਾਨ 'ਚ 5 ਸਾਲ ਦੀ ਮਹਿਨਤ ਤੋਂ ਬਾਅਦ ਸਰਕਾਰ ਬਣਾਈ ਸੀ।"
ਸਚਿਨ ਪਾਈਲਟ ਨੇ ਕਾਂਗਰਸੀ ਪ੍ਰਧਾਨ ਵੱਲੋਂ ਬਣਾਈ ਗਈ 3 ਮੈਂਬਰੀ ਕਮੇਟੀ ਦਾ ਵੀ ਸਵਾਗਤ ਕੀਤਾ।
ਉਨ੍ਹਾਂ ਕਿਹਾ, " ਸੋਨੀਆ ਗਾਂਧੀ ਜੀ ਨੇ ਸਾਡੀਆਂ ਸਾਰੀਆਂ ਚਿੰਤਾਵਾਂ ਨੂੰ ਧਿਆਨ ਨਾਲ ਸੁਣਿਆ। ਕਾਂਗਰਸ ਪ੍ਰਧਾਨ ਦੀ ਬਣਾਈ 3 ਮੈਂਬਰੀ ਕਮੇਟੀ, ਇੱਕ ਸਵਾਗਤ ਵਾਲਾ ਕਦਮ ਹੈ। ਮੈਨੂੰ ਲਗਦਾ ਹੈ ਸਾਰੇ ਮਸਲੇ ਸੁਲਝ ਜਾਣਗੇ।"
ਪਾਰਟੀ ਸੰਗਠਨ ਦੇ ਜਨਰਲ ਸਕੱਤਰ ਕੇ.ਸੀ. ਵੇਣੂਗੋਪਾਲ ਨੇ ਇੱਕ ਬਿਆਨ ਵਿੱਚ ਕਿਹਾ, "ਸਚਿਨ ਪਾਇਲਟ, ਰਾਹੁਲ ਗਾਂਧੀ ਨਾਲ ਮਿਲੇ ਅਤੇ ਉਨ੍ਹਾਂ ਨੂੰ ਕੁਝ ਚਿੰਤਾਵਾਂ ਬਾਰੇ ਵਿਸਥਾਰ ਵਿੱਚ ਦੱਸਿਆ। ਦੋਵਾਂ ਵਿਚਾਲੇ ਇਕ ਸਾਫ, ਖੁੱਲੀ ਅਤੇ ਫੈਸਲਾਕੁੰਨ ਗੱਲਬਾਤ ਹੋਈ।"
