19.05C Vancouver 19.05C VancouverJun 11, 2024 4:15 PM - The Canadian Press
ਬਿ੍ਟਿਸ਼ ਕੋਲੰਬੀਆ ਦੇ ਯੋਹੋ ਨੈਸ਼ਨਲ ਪਾਰਕ ਵਿਚ ਰਹਿਣ ਵਾਲੀ ਚਿੱਟੀ ਗ੍ਰੀਜ਼ਲੀ ਰਿੱਛ ਅਤੇ ਉਸ ਦੇ 2 ਬੱਚਿਆਂ ਦੀ ਹਾਦਸੇ ਦੌਰਾਨ ਮੌਤ ਹੋਣ ਦੀ ਖਬਰ ਹੈ। ਪਾਰਕਸ ਕੈਨੇਡਾ ਦੇ ਸਟਾਫ ਨੇ ਇਨ੍ਹਾਂ ਨੂੰ ਟਰੈਕ ਕਰਨ ਲਈ ਕਈ ਘੰਟਿਆਂ ਦਾ ਸਮਾਂ ਲਗਾਇਆ ਸੀ।
ਨਕੋਡਾ ਵਜੋਂ ਜਾਣੀ ਜਾਣ ਵਾਲੀ ਇਸ ਬੀਅਰ ਅਤੇ ਉਸ ਦੇ ਦੋ ਬੱਚਿਆਂ ਦੀ ਸਾਊਥ ਈਸਟ ਬੀ.ਸੀ. ਦੇ ਟਰਾਂਸ ਕੈਨੇਡਾ ਹਾਈਵੇਅ ’ਤੇ ਇਕੋ ਦਿਨ ਦੋ ਵੱਖ-ਵੱਖ ਹਾਦਸਿਆਂ ਦੌਰਾਨ ਮੌਤ ਹੋ ਗਈ। ਪਾਰਕਸ ਕੈਨੇਡਾ ਨੇ ਇਨ੍ਹਾਂ ਦੀ ਮੌਤ ਦੇ 4 ਦਿਨਾਂ ਬਾਅਦ ਸੋਮਵਾਰ ਇਹ ਜਾਣਕਾਰੀ ਸਾਂਝੀ ਕੀਤੀ। ਪਾਰਕ ਦੇ ਔਫੀਸ਼ੀਅਲਜ਼ ਨੇ ਕਿਹਾ ਕਿ ਜੰਗਲੀ ਜਾਨਵਰਾਂ ਦੀ ਸੁਰੱਖਿਆ ਲਈ ਲੋਕਾਂ ਨੂੰ ਵਧੇਰੇ ਸਾਵਧਾਨੀ ਵਰਤਣੀ ਚਾਹੀਦੀ ਹੈ।
ਔਫੀਸ਼ੀਅਲਜ਼ ਮੁਤਾਬਕ ਵੀਰਵਾਰ ਸਵੇਰੇ ਹਾਈਵੇਅ ’ਤੇ ਵਾਪਰੇ ਹਾਦਸੇ ਵਿਚ ਨਕੋਡਾ ਦੇ ਦੋ ਬੱਚੇ ਇਕ ਵਾਹਨ ਨਾਲ ਟਕਰਾਉਣ ਕਾਰਨ ਮਾਰੇ ਗਏ। ਇਸ ਦੇ ਲਗਭਗ 12 ਘੰਟਿਆਂ ਬਾਅਦ ਨਕੋਡਾ ਦੀ ਲੇਕ ਓ ਹਾਰਾ ਅਤੇ ਵੇਪਟਾ ਲੇਕ ਵਿਚਕਾਰ ਸੜਕ ’ਤੇ ਹਾਦਸੇ ਦੌਰਾਨ ਮੌਤ ਹੋ ਗਈ।
ਔਫੀਸ਼ੀਅਲਜ਼ ਨੇ ਦੱਸਿਆ ਕਿ ਇਹ ਬੀਅਰ ਫੈਂਸਿੰਗ ਟੱਪ ਕੇ ਸੜਕ ਵੱਲ ਆ ਰਹੇ ਸਨ ਅਤੇ ਇਕ ਡਰਾਈਵਰ ਨੇ ਤਾਂ ਹਾਦਸਾ ਵਾਪਰਨ ਤੋਂ ਬਚਾਅ ਲਿਆ ਪਰ ਦੂਜੇ ਡਰਾਈਵਰ ਨੇ ਉਨ੍ਹਾਂ ਨੂੰ ਟੱਕਰ ਮਾਰ ਦਿੱਤੀ।
