9.94C Vancouver 9.94C VancouverFeb 1, 2022 9:25 PM - The Canadian Press
ਬੀ.ਸੀ. ਦੇ ਸੈਲਮਨ ਆਰਮ ਇਲਾਕੇ 'ਚ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਆਦਮੀ ਵਿਰੁੱਧ ਗ੍ਰਿਫਤਾਰੀ ਦੇ ਵਾਰੰਟ ਜਾਰੀ ਕੀਤਾ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਹੈ ਕਿ ਇਹ ਆਦਮੀ ਆਪਣੀਆਂ 2 ਟੀਨੇਜਰ ਧੀਆਂ ਨਾਲ ਲਾਪਤਾ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਉਹ ਲੋਅਰ ਮੇਨਲੈਂਡ ਜਾਂ ਵੈਨਕੂਵਰ ਆਈਲੈਂਡ 'ਤੇ ਕਿਸੇ ਜਗ੍ਹਾ ਹੋ ਸਕਦਾ ਹੈ।
ਇਸ ਆਦਮੀ 'ਤੇ ਹਾਲ 'ਚ ਸੈਕਸ਼ੁਅਲ ਇੰਟਰਫੈਰੈਂਸ ਅਤੇ ਜਿਨਸੀ ਹਮਲੇ ਦੇ ਦੋਸ਼ ਲੱਗੇ ਸਨ।
ਮਾਮਲਾ ਇੱਕ ਮਾਈਨਰ ਨਾਲ ਸੰਬੰਧਤ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਆਦਮੀ ਦੀਆਂ ਧੀਆਂ ਨੂੰ ਉਨ੍ਹਾਂ ਦੇ ਦਾਦਾ-ਦਾਦੀ ਦੇ ਨਾਲ ਸੈਲਮਨ ਆਰਮ 'ਚ ਹੋਣਾ ਚਾਹੀਦਾ ਸੀ।
ਟੀਨੇਜਰ ਲੜਕੀਆਂ ਦੀ ਉਮਰ 13 ਅਤੇ 14 ਸਾਲ ਦੱਸੀ ਗਈ ਹੈ।
ਦੋਵਾਂ ਨੂੰ 21 ਜਨਵਰੀ ਤੋਂ ਬਾਅਦ ਵੇਖਿਆ ਨਹੀਂ ਗਿਆ ਹੈ।
ਆਦਮੀ ਦੀ ਉਮਰ 40 ਸਾਲ ਦੱਸੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਆਦਮੀ ਕੋਰਟ ਦੇ ਕਰਫਿਊ ਸੰਬੰਧੀ ਨਿਰਦੇਸ਼ ਦਾ ਉਲੰਘਣ ਕਰ ਰਿਹਾ ਹੈ ਅਤੇ ਪੁਲਿਸ ਤੋਂ ਲੁਕਦਾ ਫਿਰ ਰਿਹਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕੋਈ ਚਾਂਦੀ ਰੰਗੀ ਡੌਜ ਗਰੈਂਡ ਕੈਰਾਵੈਨ ਨੂੰ ਵੇਖੇ, ਜਿਸ ਦੀ ਲਾਈਸੈਂਸ ਪਲੇਟ ਐਨ.ਈ. 961 ਐਨ. ਹੈ, ਉਹ ਪੁਲਿਸ ਨੂੰ ਜਾਣਕਾਰੀ ਦੇਵੇ।
