13.99C Vancouver 13.99C VancouverAug 2, 2021 10:13 PM -
ਬੀ.ਸੀ. ਦੇ ਪੁਲਿਸ ਵਾਚਡੌਗ ਨੂੰ ਕੋਕਟਲਮ 'ਚ ਵਾਪਰੀ ਇੱਕ ਘਟਨਾ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ।
ਆਈ.ਆਈ.ਓ. ਦਾ ਕਹਿਣਾ ਹੈ ਕਿ ਆਰ.ਸੀ.ਐਮ.ਪੀ. ਟੀਮਾਂ ਨੇ ਹੈਫਲੀ ਕ੍ਰੀਸੈਂਟ ਅਤੇ ਪਾਈਨਟ੍ਰੀ ਵੇ 'ਤੇ ਕੱਲ ਤੜਕੇ ਕਰੀਬ 3.20 ਮਿੰਟ 'ਤੇ ਪਹੁੰਚ ਕੀਤੀ ਸੀ।
ਅਫ਼ਸਰ ਘਰ 'ਚ ਦਾਖਿਲ ਹੋਏ ਅਤੇ ਇਸ ਤੋਂ ਕੁਝ ਹੀ ਸਮੇਂ 'ਚ ਇੱਕ ਆਦਮੀ ਪੇਟੀਓ ਤੋਂ ਹੇਠਾਂ ਜ਼ਮੀਨ 'ਤੇ ਆ ਡਿੱਗਿਆ।
ਇਸ ਵਿਅਕਤੀ ਨੂੰ ਮੌਕੇ 'ਤੇ ਹੀ ਮ੍ਰਿਤ ਐਲਾਨ ਦਿੱਤਾ ਗਿਆ ਸੀ।
ਐਤਵਾਰ ਦੁਪਹਿਰ ਬੀ.ਸੀ. ਆਰ.ਸੀ.ਐਮ.ਪੀ. ਦੇ ਅਫ਼ਸਰਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਘਰ 'ਚ ਕਿਸੇ ਪ੍ਰਕਾਰ ਦੀ ਡਿਸਟਰਬੈਂਸ ਦੀ ਜਾਣਕਾਰੀ ਮਿਲੀ ਸੀ।
ਜਦ ਅਫ਼ਸਰ ਮੌਕੇ 'ਤੇ ਪਹੁੰਚੇ ਤਾਂ ਇਸ ਆਦਮੀ ਨੇ ਖੁਦ ਨੂੰ ਇੱਕ ਦਰਵਾਜ਼ੇ ਪਿੱਛੇ ਬੰਦ ਕਰ ਲਿਆ ਅਤੇ ਪੇਟੀਓ ਵੱਲ ਦੌੜ ਗਿਆ ਅਤੇ ਫਿਰ ਉਸ ਨੇ ਛਾਲ ਮਾਰ ਦਿੱਤੀ।
ਆਈ.ਆਈ.ਓ. ਵੱਲੋਂ ਘਟਨਾ ਦੀ ਜਾਂਚ ਕੀਤੀ ਜਾਵੇਗੀ।
