12.14C Vancouver 12.14C VancouverJan 25, 2022 10:51 PM - Connect News
ਨੌਰਥ ਕੋਵੀਚਾਨ/ਡੰਕਨ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਪਿਓ-ਧੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਦੋਵਾਂ ਨੂੰ ਐਤਵਾਰ ਦੁਪਹਿਰ ਤੋਂ ਲਾਪਤਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਪਰਿਵਾਰ ਨੇ ਰਿਪੋਰਟ ਕੀਤਾ ਸੀ ਕਿ ਜੈਸੀ ਬੈਨੇਟ ਅਤੇ ਉਸ ਦੀ 7 ਸਾਲਾ ਧੀ ਵਾਇਓਲੇਟ ਬੈਨੇਟ ਆਪਣੇ ਘਰ 'ਚ ਮੌਜੂਦ ਨਹੀਂ ਸਨ।
ਜਾਣਕਾਰੀ ਦਿੱਤੀ ਗਈ ਕਿ 20 ਜਨਵਰੀ ਨੂੰ ਵਿਕਟੋਰੀਆ ਫੈਮਿਲੀ ਲਾਅ ਕੋਰਟ ਨੇ ਜਾਇੰਟ ਕਸਟਡੀ ਐਗਰੀਮੈਂਟ ਦੇ ਤਹਿਤ ਜੈਸੀ ਬੈਨੇਟ ਨੂੰ ਨਿਰਦੇਸ਼ ਦਿੱਤੇ ਸਨ ਕਿ ਵਾਇਓਲੇਟ ਨੂੰ ਉਸ ਦੀ ਮਾਂ ਕੋਲ ਭੇਜ ਦਿੱਤਾ ਜਾਵੇ।
ਪਰ ਇਸ ਤੋਂ ਬਾਅਦ ਪੁਲਿਸ ਜਾਂ ਪਰਿਵਾਰ ਦਾ ਜੈਸੀ ਜਾਂ ਉਸ ਦੀ ਧੀ ਨਾਲ ਸੰਪਰਕ ਨਹੀਂ ਹੋ ਸਕਿਆ ਹੈ।
ਜੈਸੀ ਬੈਨੇਟ ਅਤੇ ਵਾਇਓਲੇਟ ਬੈਨੇਟ ਦੀ ਤਸਵੀਰ ਵੀ ਸਾਂਝੀ ਕੀਤੀ ਗਈ ਹੈ।
ਜੈਸੀ ਬੈਨੇਟ ਦੀ ਉਮਰ 36 ਸਾਲ ਹੈ ਅਤੇ ਉਸ ਦਾ ਕੱਦ ਕਰੀਬ 5'10" ਅਤੇ ਭਾਰ ਕਰੀਬ 160 ਪਾਉਂਡ ਦੱਸਿਆ ਗਿਆ ਹੈ।
ਵਾਇਓਲੇਟ ਦਾ ਕੱਦ ਕਰੀਬ 4 ਫੁੱਟ ਅਤੇ ਭਾਰ ਕਰੀਬ 50 ਤੋਂ 60 ਪਾਉਂਡ ਦੱਸਿਆ ਗਿਆ ਹੈ।
