12.35C Vancouver 12.35C VancouverOct 28, 2024 6:36 PM - The Canadian Press
ਸਰੀ ਦੇ ਇੱਕ 28 ਸਾਲਾ ਨੌਜਵਾਨ ਨੂੰ ਬੀ.ਸੀ. ਹਾਈਵੇਅ ਪੈਟਰੋਲ ਨੇ 73 ਕਿਲੋ ਕੋਕੀਨ ਨਾਲ ਗ੍ਰਿਫਤਾਰ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਹੈ। ਅਧਿਕਾਰੀਆਂ ਮੁਤਾਬਕ, ਉਨ੍ਹਾਂ ਸ਼ੁਸਵੈਪ ਦੇਸ਼ ਵਿਚ ਮਲਕਵਾ ਨੇੜੇ ਹਾਈਵੇਅ 1 ’ਤੇ ਨਾਕਾ ਲਗਾਇਆ ਹੋਇਆ ਸੀ ਜਦੋਂ ਇੱਕ ਗੱਡੀ ਦੀ ਚੈਕਿੰਗ ਦੌਰਾਨ ਉਨ੍ਹਾਂ ਨੂੰ ਭਾਰੀ ਮਾਤਰਾ ਵਿਚ ਨਸ਼ਾ ਬਰਾਮਦ ਹੋਇਆ।
ਸੀ.ਪੀ.ਐਲ. ਮਾਈਕਲ ਮੈਕਲਾਫਲਿਨ ਨੇ ਦੱਸਿਆ ਕਿ ਨਾਕੇ ਵਿਚ ਬੀ.ਸੀ. ਹਾਈਵੇਅ ਪੈਟਰੋਲ ਦੀ ਟ੍ਰੈਫਿਕ ਸੇਫਟੀ ਯੂਨਿਟ, ਸਿਕਾਮਸ ਆਰ.ਸੀ.ਐੱਮ.ਪੀ. ਅਤੇ ਏਕੀਕ੍ਰਿਤ ਇੰਪੇਅਰਡ ਡਰਾਈਵਿੰਗ ਯੂਨਿਟ ਸ਼ਾਮਲ ਸਨ। ਅਧਿਕਾਰੀ ਨੇ ਕਿਹਾ ਕਿ ਸ਼ੱਕੀ ਗੱਡੀ ਵਿਚ ਇਕੱਲਾ ਸੀ ਅਤੇ ਉਸ ਨੂੰ ਸ਼ਰਤਾਂ ਨਾਲ ਰਿਹਾਅ ਕੀਤਾ ਜਾ ਚੁੱਕਾ ਹੈ ਅਤੇ ਅਗਲੀ ਪੇਸ਼ੀ ਬਾਅਦ ਦੀ ਕਿਸੇ ਤਾਰੀਖ਼ ਨੂੰ ਹੋਵੇਗੀ।
ਡਰਾਈਵਰ ਦੀ ਪਛਾਣ ਅਜੇ ਜਨਤਕ ਨਹੀਂ ਕੀਤੀ ਗਈ, ਪੁਲਿਸ ਦਾ ਕਹਿਣਾ ਹੈ ਕਿ ਉਸ ’ਤੇ ਚਾਰਜ ਮਨਜ਼ੂਰ ਹੋਣੇ ਬਾਕੀ ਹਨ। ਬੀ.ਸੀ. ਹਾਈਵੇਅ ਦੇ ਵਿਸ਼ੇਸ਼ ਟ੍ਰੈਫਿਕ ਓਪਰੇਸ਼ਨ ਦੇ ਇੰਚਾਰਜ ਨੇ ਕਿਹਾ ਕਿ ਹੁਣ ਤੱਕ ਦੀ ਜਾਂਚ ਵਿਚ ਇਸ ਮਾਮਲੇ ਦੇ ਸੰਗਠਿਤ ਅਪਰਾਧ ਨਾਲ ਜੁੜੇ ਹੋਣ ਦਾ ਸ਼ੱਕ ਲੱਗ ਰਿਹਾ ਹੈ ਅਤੇ ਗੱਡੀ ਕਬਜ਼ੇ ਵਿਚ ਲੈ ਕੇ ਜਾਂਚ ਜਾਰੀ ਹੈ।
