ਇਟਲੀ ਦੇ ਗੋਤਾਖੋਰਾਂ ਨੂੰ ਸਿਸਲੀ ਟਾਪੂ ਕੋਲ ਡੁੱਬੇ ਲਗਜ਼ਰੀ ਬ੍ਰਿਟਿਸ਼ ਯਾਟ ਤੋਂ ਦੋ ਲਾਸ਼ਾਂ ਹੋਈਆਂ ਬਰਾਮਦ

ਇਟਲੀ ਦੇ ਗੋਤਾਖੋਰਾਂ ਨੂੰ ਸਿਸਲੀ ਟਾਪੂ ਕੋਲ ਡੁੱਬੇ ਲਗਜ਼ਰੀ ਬ੍ਰਿਟਿਸ਼ ਯਾਟ ਤੋਂ ਦੋ ਲਾਸ਼ਾਂ ਬਰਾਮਦ ਹੋਈਆਂ ਹਨ। ਜਿਨ੍ਹਾਂ ਦੀ ਪਛਾਣ ਅਜੇ ਜਨਤਕ ਨਹੀਂ ਕੀਤੀ ਗਈ। ਬੇਸੀਅਨ ਨਾਂ ਦੀ ਯਾਟ ਪਾਣੀ ਦੀ ਸਤ੍ਹਾ ਤੋਂ ਲਗਭਗ 50 ਮੀਟਰ ਯਾਨੀ 165 ਫੁੱਟ ਹੇਠਾਂ ਹੈ, ਜਿਸ ਕਾਰਨ ਬਚਾਅ ਕਰਨ ਵਾਲੇ ਨੂੰ ਸਰਚ ਓਪਰੇਸ਼ਨ ਲਈ ਕਾਫ਼ੀ ਜੋਖਮ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਗੋਤਾਖੋਰ ਸੋਮਵਾਰ ਤੋਂ ਹੀ ਯਾਟ ਦੇ ਕੈਬਿਨ ਅੰਦਰ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਬਚਾਅ ਕਰਨ ਵਾਲਿਆਂ ਦਾ ਕਹਿਣਾ ਹੈ ਕਿ ਫਰਨੀਚਰ ਅਤੇ ਹੋਰ ਮਲਬੇ ਕਾਰਨ ਉਨ੍ਹਾਂ ਨੂੰ ਇਸ ਅੰਦਰ ਸਰਚ ਓਪਰੇਸ਼ਨ ਵਿਚ ਦਿੱਕਤ ਹੋ ਰਹੀ ਹੈ।

ਇਸ ਵਿਚਕਾਰ ਜਾਂਚਕਰਤਾਵਾਂ ਗਵਾਹਾਂ ਅਤੇ ਜਿਊਂਦੇ ਬਚੇ ਲੋਕਾਂ ਤੋਂ ਪੁੱਛਗਿੱਛ ਕਰ ਰਹੇ ਹਨ। ਸੇਲਬੋਟ ਦੇ 51 ਸਾਲਾ ਕਪਤਾਨ ਜੇਮਸ ਕਟਫੀਲਡ ਤੋਂ ਦੋ ਘੰਟੇ ਤੋਂ ਵੱਧ ਪੁੱਛਗਿੱਛ ਕੀਤੀ ਗਈ ਹੈ। ਕਟਫੀਲਡ ਇਸ ਘਟਨਾ ਵਿਚ ਬਚ ਗਏ ਸਨ ਅਤੇ ਆਪਣੀ ਪਤਨੀ ਨਾਲ ਹਸਪਤਾਲ ਵਿਚ ਠੀਕ ਹੋ ਰਹੇ ਹਨ।