19.69C Vancouver 19.69C VancouverApr 4, 2024 2:35 PM - The Associated Press
ਤਾਇਵਾਨ ਵਿਚ 7.4 ਤੀਬਰਤਾ ਦੇ ਭੂਚਾਲ ਤੋਂ ਬਾਅਦ ਦੇਸ਼ ਦੇ ਈਸਟ ਹਿੱਸੇ ਵਿਚ ਅਜੇ ਵੀ 700 ਲੋਕ ਕਈ ਜਗ੍ਹਾ ਫਸੇ ਹੋਏ ਹਨ ਜਿਨ੍ਹਾਂ ਨੂੰ ਬਚਾਉਣ ਲਈ ਰੈਸਕਿਊ ਕਰਮਚਾਰੀ ਕੰਮ ਕਰ ਰਹੇ ਹਨ।
ਤਾਇਵਾਨ ਦੀ ਨੈਸ਼ਨਲ ਫਾਇਰ ਏਜੰਸੀ ਮੁਤਾਬਕ, ਹੁਣ ਤੱਕ 1,067 ਜ਼ਖਮੀ ਹੋਣ ਦਾ ਪਤਾ ਲੱਗਾ ਹੈ ਅਤੇ ਘੱਟੋ-ਘੱਟ 10 ਲੋਕਾਂ ਦੀ ਮੌਤ ਹੋਈ ਹੈ। ਉਥੇ ਹੀ, ਇਸ ਵਿਚਕਾਰ ਚੀਨ ਵਲੋਂ ਭੂਚਾਲ ਨੂੰ ਲੈ ਕੇ ਕੀਤੀ ਗਈ ਟਿੱਪਣੀ ਦੀ ਤਾਇਵਾਨ ਨੇ ਸਖ਼ਤ ਆਲੋਚਨਾ ਕੀਤੀ ਹੈ।
ਸੰਯੁਕਤ ਰਾਸ਼ਟਰ ਵਿਚ ਬੀਜਿੰਗ ਦੇ ਉੱਪ ਰਾਜਦੂਤ ਨੇ ਟਿੱਪਣੀ ਕੀਤੀ ਸੀ ਕਿ ਚੀਨ ਦੇ ਤਾਇਵਾਨ ਵਿਚ ਆਏ ਭੂਚਾਲ ਪ੍ਰਤੀ ਦੁਨੀਆ ਵਲੋਂ ਹਮਦਰਦੀ ਪ੍ਰਗਟਾਉਣ ਲਈ ਧੰਨਵਾਦ।
ਗੌਰਤਲਬ ਹੈ ਕਿ ਚੀਨ ਤਾਇਵਾਨ ਨੂੰ ਆਪਣਾ ਖੇਤਰ ਦੱਸਦਾ ਹੈ ਅਤੇ ਇਸ ’ਤੇ ਸ਼ਾਸਨ ਨਾ ਹੋਣ ਦੇ ਬਾਵਜੂਦ ਅੰਤਰਰਾਸ਼ਟਰੀ ਪੱਧਰ ’ਤੇ ਉਸ ਦੀ ਨੁਮਾਇੰਦਗੀ ਦਾ ਦਾਅਵਾ ਕਰਦਾ ਹੈ। ਤਾਇਵਾਨ ਦਾ ਗਲੋਬਲ ਕਾਰੋਬਾਰ ਅਤੇ ਵਪਾਰ ’ਤੇ ਬਹੁਤ ਜ਼ਿਆਦਾ ਪ੍ਰਭਾਵ ਹੈ।
