13.75C Vancouver 13.75C VancouverJan 21, 2021 1:27 AM -
ਉੱਤਰਪੂਰਬੀ ਬੀ.ਸੀ. 'ਚ ਇੱਕ ਛੋਟੀ ਕਮਿਊਨਿਟੀ ਦੇ ਨਿਵਾਸੀ ਲੋਕਲ ਅਤੇ ਪ੍ਰੋਵਿੰਸ਼ੀਅਲ ਸਰਕਾਰ 'ਤੇ ਮੁਕੱਦਮਾ ਠੋਕ ਰਹੇ ਹਨ।
ਧੀਮੀ ਰਫਤਾਰ 'ਤੇ ਹੁੰਦੀਆਂ 2 ਜ਼ਮੀਨ ਖਿਸਕਣ ਦੀਆਂ ਘਟਨਾਵਾਂ ਦੇ ਚਲਦਿਆਂ ਇਲਾਕੇ 'ਚ ਪ੍ਰਾਪਰਟੀਆਂ ਦੀ ਕੀਮਤ ਘਟਣ ਦੇ ਕਾਰਨ ਮੁਕੱਦਮਾ ਠੋਕਿਆ ਜਾ ਰਿਹਾ ਹੈ।
ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਦਾਖਿਲ ਕੀਤੇ ਇੱਕ ਸਿਵਿਲ ਕਲੇਮ ਦੇ ਨੋਟਿਸ 'ਚ ਬੀ.ਸੀ. ਦੇ ਓਲਡ ਫੋਰਟ ਇਲਾਕੇ ਦੇ 35 ਰੈਜ਼ੀਡੈਂਟਸ ਨੇ ਅਣਗਹਿਲੀ ਅਤੇ 'ਸਿਕਿਉਰਿਟੀ ਆਫ ਪਰਸਨ ਦੇ ਚਾਰਟਰ ਅਧਿਕਾਰ' ਦੀ ਅਣਦੇਖੀ ਦੇ ਇਲਜ਼ਾਮ ਲਗਾਏ ਹਨ।
ਸਿਤੰਬਰ 2018 ਅਤੇ ਜੂਨ 2020 'ਚ ਇਸ ਇਲਾਕੇ 'ਚ ਸਥਿਤ 50 ਘਰਾਂ ਦੇ ਕੋਲ ਦੀ ਇੱਕ ਢਲਾਣ ਖਿਸਕਣ ਕਾਰਨ ਘਰ ਖਾਲੀ ਕਰਨ ਦੇ ਨਿਰਦੇਸ਼ ਅਤੇ ਐਲਰਟ ਜਾਰੀ ਕੀਤੇ ਗਏ ਸਨ।
ਸਵਾਲ ਚੁੱਕੇ ਅਗਏ ਹਨ ਕਿ, ਪਹਿਲੀ ਘਟਨਾ ਬਲੇਅਰ ਪਿਟ ਗ੍ਰੇਵਲ ਮਾਈਨ ਕੋਲ ਗਤੀਵਿਧੀਆਂ ਕਾਰਨ ਹੋਈ ਸੀ, ਜਦਕਿ ਦੂਜੀ ਘਟਨਾ ਇਸ ਇਲਾਕੇ ਤੋਂ ਕਰੀਬ 1km 'ਤੇ ਸਥਿਤ 'ਸਾਈਟ ਸੀ ਡੈਮ ਪ੍ਰੋਜੈਕਟ' ਕਾਰਨ ਹੋਈ ਸੀ।
ਇਸ ਮਾਮਲੇ 'ਚ ਬੀ.ਸੀ. ਸਰਕਾਰ, ਸਿਟੀ ਆਫ ਫੋਰਟ ਸੇਂਟ ਜੌਨ ਅਤੇ ਕਈ ਹੋਰ ਥਾਵਾਂ ਨੇ ਟਿੱਪਣੀ ਕਰਨ ਤੋਂ ਇਨਕਾਰ ਕੀਤਾ ਹੈ।
