ਡਰਾਈਵਰ ਬਿਨਾਂ ਕਿਸੇ ਚਾਰਜ ਦੇ ਆਪਣੀ ਗੱਡੀ ਦੇ ਕੈਟੇਲਿਟਿਕ ਕਨਵਰਟਰਜ਼ ਨੂੰ ਨਿਸ਼ਾਨਬੱਧ ਕਰਵਾ ਸਕਦੇ ਹਨ:ਰਿਚਮੰਡ RCMP

ਬੀ. ਸੀ. ਵਿਚ ਕੈਟੇਲਿਟਿਕ ਕਨਵਰਟਰਜ਼ ਚੋਰੀ ਹੋਣ ਦੇ ਮਾਮਲਿਆਂ ਵਿਚਕਾਰ ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਕੈਨੇਡੀਅਨ ਟਾਇਰ ਆਇਰਨਵੁੱਡ ਨਾਲ ਭਾਈਵਾਲੀ ਤਹਿਤ 20 ਸਤੰਬਰ ਨੂੰ ਇੱਕ ਸਮਾਗਮ ਆਯੋਜਿਤ ਕਰਨ ਦਾ ਐਲਾਨ ਕੀਤਾ ਹੈ, ਜਿੱਥੇ ਡਰਾਈਵਰ ਬਿਨਾਂ ਕਿਸੇ ਚਾਰਜ ਦੇ ਆਪਣੀ ਗੱਡੀ ਦੇ ਕੈਟੇਲਿਟਿਕ ਕਨਵਰਟਰਜ਼ 'ਤੇ unique Vehicle Identification Number ਜਾਂ ਲਾਇਸੈਂਸ ਪਲੇਟ ਨੰਬਰ ਨਿਸ਼ਾਨਬੱਧ ਕਰਵਾ ਸਕਦੇ ਹਨ।

ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਉਸ ਦਾ ਇਹ ਕਦਮ ਕੈਟੇਲਿਟਿਕ ਕਨਵਰਟਰਜ਼ ਦੀ ਚੋਰੀ ਰੋਕਣ ਅਤੇ ਇਨ੍ਹਾਂ ਦੀ ਰਿਕਵਰੀ ਅਤੇ ਪ੍ਰੋਸੀਕਿਊਸ਼ਨ ਵਿਚ ਸਹਾਇਤਾ ਲਈ ਉਨ੍ਹਾਂ ਦੀ ਚੱਲ ਰਹੀ ਪਹਿਲ ਦਾ ਹਿੱਸਾ ਹੈ। ਰਿਚਮੰਡ ਸਥਿਤ ਕੈਨੇਡੀਅਨ ਟਾਇਰ ਆਇਰਨਵੁੱਡ ਦੀ ਲੋਕੇਸ਼ਨ ਉਤੇ ਇਹ ਸਰਵਿਸ ਪਹਿਲਾਂ ਆਓ, ਪਹਿਲਾਂ ਪਾਓ ਦੇ ਆਧਾਰ 'ਤੇ ਮਿਲੇਗੀ, ਇਸ ਲਈ ਅਪਾਇੰਟਮੈਂਟ ਬੁੱਕ ਕਰਨ ਦੀ ਜ਼ਰੂਰਤ ਨਹੀਂ ਹੈ।

ਗੌਰਤਲਬ ਹੈ ਕਿ ਰਿਚਮੰਡ ਪੁਲਿਸ ਨੇ ਸ਼ਹਿਰ ਅਤੇ ਆਈ.ਸੀ.ਬੀ.ਸੀ. ਦੀ ਮਦਦ ਨਾਲ ਪਹਿਲਾਂ 2014 ਵਿਚ “You Etch It. We Catch It” ਨਾਂ ਨਾਲ ਪ੍ਰੋਗਰਾਮ ਲੌਂਚ ਕੀਤਾ ਸੀ।