18.97C Vancouver 18.97C VancouverNov 29, 2021 9:23 PM - Connect News
ਸਰੀ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਐਸਕੌਰਟ ਸੇਵਾਵਾਂ ਸੰਬੰਧੀ ਸਾਈਟਸ ਲਈ ਸਾਵਧਾਨ ਕੀਤਾ ਹੈ।
ਇਨ੍ਹਾਂ ਸਾਈਟਸ ਸੰਬੰਧੀ ਕੁਝ ਡਾਕੇ ਰਿਪੋਰਟ ਹੋਣ ਤੋਂ ਬਾਅਦ ਲੋਕਾਂ ਨੂੰ ਸਾਵਧਾਨ ਕੀਤਾ ਗਿਆ ਹੈ।
ਪੁਲਿਸ ਨੇ ਦੱਸਿਆ ਕਿ ਹਾਲ ਦੀਆਂ ਕੁਝ ਘਟਨਾਵਾਂ 'ਚ ਆਦਮੀਆਂ ਨੇ ਕਿਸੇ ਐਸਕੌਰਟ ਨੂੰ ਹਾਇਰ ਕੀਤਾ ਸੀ ਅਤੇ ਕਿਸੇ ਟਿਕਾਣੇ 'ਤੇ ਮਿਲਣ ਦੀ ਯੋਜਨਾ ਬਣਾਈ ਸੀ ਪਰ ਮੌਕੇ 'ਤੇ ਉਨ੍ਹਾਂ ਨੂੰ ਲੁੱਟ ਲਿਆ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਅਜਿਹੇ ਅਪਰਾਧ ਦੇ ਹੋਰ ਵੀ ਪੀੜਤ ਲੋਕ ਹੋ ਸਕਦੇ ਹਨ ਜਿੰਨਾ ਨੇ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।
ਜਾਂਚ ਅਧਿਕਾਰੀਆਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਅਣਜਾਣ ਵਿਅਕਤੀ ਨੂੰ ਇਸ ਤਰ੍ਹਾਂ ਮਿਲਣਾ ਹੋਵੇ ਤਾਂ ਸ਼ਰਾਬ ਜਾਂ ਡਰੱਗਸ ਦੇ ਸੇਵਨ ਤੋਂ ਬਚਾਅ ਕੀਤਾ ਜਾਵੇ।
ਪੁਲਿਸ ਦਾ ਕਹਿਣਾ ਹੈ ਕਿ ਕਿਸੇ ਅਜਿਹੀ ਜਗ੍ਹਾ ਜਾਂਦੇ ਹੋਏ ਆਪਣੇ ਕਿਸੇ ਕਰੀਬੀ ਨਾਲ ਆਪਣੀ ਲੋਕੇਸ਼ਨ ਜਰੂਰ ਸਾਂਝੀ ਕਰ ਲਈ ਜਾਵੇ ਤਾਂ ਜੋ ਕੋਈ ਜਾਣਦਾ ਹੋਵੇ ਕਿ ਤੁਸੀਂ ਕਿੱਥੇ ਜਾ ਰਹੇ ਹੋ।
