13.79C Vancouver 13.79C VancouverSep 16, 2025 4:40 PM - The Associated Press
ਹਾਲੀਵੁੱਡ ਆਈਕਨ ਰੌਬਰਟ ਰੈੱਡਫੋਰਡ ਦਾ 89 ਸਾਲ ਦੀ ਉਮਰ ਵਿਚ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ 1978 ਵਿਚ ਸਨਡੈਂਸ ਫਿਲਮ ਫੈਸਟੀਵਲ ਦੀ ਨੀਂਹ ਰੱਖੀ ਸੀ, ਜੋ ਅਮਰੀਕਾ ਦੇ ਯੂਟਾ ਵਿਚ ਹਰ ਸਾਲ ਹੁੰਦਾ ਹੈ। ਉਹ ਦਿ ਸਟਿੰਗ, ਬੁੱਚ ਕੈਸੀਡੀ ਅਤੇ ਦਿ ਸਨਡੈਂਸ ਕਿਡ ਫਿਲਮਾਂ ਵਿਚ ਆਪਣੀਆਂ ਭੂਮਿਕਾਵਾਂ ਲਈ ਜਾਣੇ ਜਾਂਦੇ ਸਨ ਅਤੇ ਇੱਕ ਡਾਇਰੈਕਟਰ ਵਜੋਂ ਉਨ੍ਹਾਂ ਆਸਕਰ ਜਿੱਤਿਆ ਸੀ।
ਲਾਸ ਏਂਜਲਸ ਵਿਚ ਜਨਮੇ ਰੌਬਰਟ ਰੈੱਡਫੋਰਡ ਨੇ 1950 ਦੇ ਦਹਾਕੇ ਦੇ ਅਖੀਰ ਵਿਚ ਸਟੇਜ 'ਤੇ ਕੰਮ ਕਰਨਾ ਸ਼ੁਰੂ ਕੀਤਾ ਸੀ। 1960 ਵਿਚ ਟੈਲੀਵਿਜ਼ਨ ਨਾਲ ਕਰੀਅਰ ਸ਼ੁਰੂ ਕੀਤਾ ਅਤੇ ਵਾਰ ਹੰਟ ਨਾਲ ਫਿਲਮ ਜਗਤ ਵਿਚ ਕਦਮ ਰੱਖੇ ਸਨ। ਉਨ੍ਹਾਂ ਨੂੰ 1973 ਵਿਚ ਦਿ ਸਟਿੰਗ ਵਿਚ ਸਰਬੋਤਮ ਅਦਾਕਾਰੀ ਲਈ ਆਸਕਰ ਨੋਮੀਨੇਸ਼ਨ ਮਿਲਿਆ ਸੀ।
