23.39C Vancouver 23.39C VancouverMar 22, 2024 4:05 PM - The Associated Press
ਰੂਸ ਅਤੇ ਚੀਨ ਨੇ ਸ਼ੁੱਕਰਵਾਰ ਨੂੰ ਸੰਯੁਕਤ ਰਾਸ਼ਟਰ ਵਿਚ ਅਮਰੀਕਾ ਵਲੋਂ ਗਾਜ਼ਾ ਵਿਚ ਜੰਗਬੰਦੀ ਲਈ ਪੇਸ਼ ਮਤੇ ਨੂੰ ਵੀਟੋ ਨਾਲ ਹਰਾ ਦਿੱਤਾ। ਇਸ ਮਤੇ ਵਿਚ ਗਾਜ਼ਾ ਵਿਚ ਆਮ ਲੋਕਾਂ ਦੀ ਸੁਰੱਖਿਆ ਅਤੇ ਭੁੱਖਮਰੀ ਨਾਲ ਜੂਝ ਰਹੇ 2 ਮਿਲੀਅਨ ਤੋਂ ਵੱਧ ਫਿਲਸਤੀਨੀਆਂ ਨੂੰ ਮਨੁੱਖੀ ਸਹਾਇਤਾ ਪਹੁੰਚਾਉਣ ਲਈ ਤੁਰੰਤ ਜੰਗਬੰਦੀ ਦੀ ਮੰਗ ਕੀਤੀ ਗਈ ਸੀ।
15 ਮੈਂਬਰੀ ਸੁਰੱਖਿਆ ਕੌਂਸਲ ਵਿਚ 11 ਮੈਂਬਰਾਂ ਨੇ ਪੱਖ ਵਿਚ ਵੋਟ ਕੀਤੀ, ਜਦੋਂ ਕਿ ਰੂਸ, ਚੀਨ ਅਤੇ ਅਲਜੀਰੀਆ ਇਸ ਦੇ ਖਿਲਾਫ ਭੁਗਤੇ ਅਤੇ ਇੱਕ ਮੈਂਬਰ ਗਯਾਨਾ ਨੇ ਇਸ ਤੋਂ ਦੂਰੀ ਰੱਖੀ।
ਓਧਰ, ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਹੈ ਕਿ ਇਜ਼ਰਾਈਲ ਦੱਖਣੀ ਗਾਜ਼ਾ ਸ਼ਹਿਰ ਰਫਾਹ ਵਿਚ ਫੌਜ ਭੇਜਣ ਲਈ ਦ੍ਰਿੜ ਹੈ ਅਤੇ ਜੇ ਲੋੜ ਪਈ ਤਾਂ ਉਹ ਅਮਰੀਕਾ ਦੇ ਸਮਰਥਨ ਤੋਂ ਬਿਨਾਂ ਅਜਿਹਾ ਕਰੇਗਾ।
ਨੇਤਨਯਾਹੂ ਨੇ ਇਕ ਬਿਆਨ ਵਿਚ ਕਿਹਾ ਕਿ ਉਨ੍ਹਾਂ ਨੇ ਅਮਰੀਕਾ ਦੇ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਨੂੰ ਕਿਹਾ ਹੈ ਕਿ ਰਫਾਹ ਵਿਚ ਕਾਰਵਾਈ ਤੋਂ ਬਿਨਾਂ ਹਮਾਸ ਨੂੰ ਹਰਾਉਣ ਦਾ ਕੋਈ ਰਸਤਾ ਨਹੀਂ ਹੈ।
