14.21C Vancouver 14.21C VancouverOct 13, 2021 8:37 PM -
ਕੱਲ ਪਤਾ ਲੱਗ ਸਕਦਾ ਹੈ ਕਿ ਬੀ.ਸੀ. ਦੇ ਲਿਟਨ ਇਲਾਕੇ 'ਚ ਲੱਗੀ ਅੱਗ ਦੀ ਘਟਨਾ 'ਚ ਮੌਕੇ ਤੋਂ ਲੰਘਦੀ ਇੱਕ ਮਾਲ ਗੱਡੀ ਦੀ ਭੂਮਿਕਾ ਸੀ ਜਾਂ ਨਹੀਂ।
ਇਸ ਰੇਲ ਦੇ ਕਾਰਨ ਅੱਗ ਲੱਗਣ ਸੰਬੰਧੀ ਗੱਲਬਾਤ ਉਜਾਗਰ ਹੋਈ ਸੀ।
ਹੁਣ ਇਸ ਮਾਮਲੇ 'ਚ ਕੱਲ ਸਵੇਰੇ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਵੱਲੋਂ ਇੱਕ ਨਿਊਜ ਕਾਨਫਰੰਸ ਕੀਤੀ ਜਾ ਰਹੀ ਹੈ।
ਹਾਲਾਂਕਿ ਨਿਊਜ ਕਾਨਫਰੰਸ ਤੋਂ ਕਰੀਬ ਇੱਕ ਘੰਟਾ ਪਹਿਲਾਂ ਹੀ ਜਾਂਚ ਦੇ ਨਤੀਜੇ ਅਧਿਕਾਰਿਤ ਵੈਬਸਾਈਟ 'ਤੇ ਸਾਂਝੇ ਕਰ ਦਿੱਤੇ ਜਾਣਗੇ।
30 ਜੂਨ ਦੀ ਇਸ ਭਿਆਨਕ ਅੱਗ 'ਚ 2 ਲੋਕਾਂ ਦੀ ਮੌਤ ਹੋ ਗਈ ਸੀ।
ਇਸ ਅੱਗ ਕਾਰਨ ਕਰੀਬ ਪੂਰਾ ਲਿਟਨ ਇਲਾਕਾ ਤਬਾਹ ਹੋ ਗਿਆ ਸੀ।
ਇਸ 'ਚ ਕਰੀਬ $77 ਮਿਲੀਅਨ ਦਾ ਨੁਕਸਾਨ ਹੋਇਆ ਦੱਸਿਆ ਜਾ ਰਿਹਾ ਹੈ।
ਸੇਫਟੀ ਬੋਰਡ ਜਾਂਚ ਅਧਿਕਾਰੀਆਂ ਨੂੰ ਇਸ ਪਿੰਡ 'ਚ ਉਸ ਵੇਲੇ ਭੇਜਿਆ ਗਿਆ ਸੀ ਜਦ ਆਰ.ਸੀ.ਐਮ.ਪੀ. ਅਤੇ ਵਾਈਲਡਫਾਇਰ ਸਰਵਿਸ ਨੇ ਅੱਗ ਸੰਬੰਧੀ ਮੁਮਕਿਨ ਕਾਰਨ ਦੀ ਜਾਣਕਾਰੀ ਦਿੱਤੀ ਸੀ।
