27.88C Vancouver 27.88C VancouverOct 22, 2022 12:37 AM - Connect News
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਅਕਤੂਬਰ ਦੇ ਮਹੀਨੇ 'ਚ ਤਿਓਹਾਰਾਂ ਦੌਰਾਨ ਸੇਫਟੀ ਨੂੰ ਤਰਜੀਹ ਦਿੱਤੀ ਜਾਵੇ।
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਦੀਵਾਲੀ ਅਤੇ ਹੈਲੋਈਨ ਨੇੜ ਹਨ ਅਤੇ ਆਮ ਤੌਰ 'ਤੇ ਇਨ੍ਹਾਂ ਤਿਓਹਾਰਾਂ ਮੌਕੇ ਪੁਲਿਸ ਅਤੇ ਬਾਈਲਾਸ ਸੰਬੰਧੀ ਕਾਲਸ 'ਚ ਵਾਧਾ ਵੇਖਣ ਨੂੰ ਮਿਲਦਾ ਹੈ।
ਇਸ ਦੌਰਾਨ ਖੜਕੇ ਸੰਬੰਧੀ ਜਾਂ ਪਟਾਕਿਆਂ ਅਤੇ ਪਾਰਕਿੰਗ ਸੰਬੰਧੀ ਸ਼ਿਕਾਇਤਾਂ ਸੁਣਨ ਨੂੰ ਮਿਲਦੀਆਂ ਹਨ।
ਸਿਟੀ ਬਾਈਲਾਸ ਅਨੁਸਾਰ ਜਦ ਤਕ ਸਰੀ ਫਾਇਰ ਸਰਵਿਸ ਫਾਇਰ ਪ੍ਰਿਵੈਂਸ਼ਨ ਬ੍ਰਾਂਚ ਤੋਂ ਇਜਾਜਤ ਨਾ ਹੋਵੇ, ਉਸ ਵੇਲੇ ਤਕ ਪਟਾਕੇ ਨਹੀਂ ਚਲਾਏ ਜਾ ਸਕਦੇ ਹਨ।
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਪਟਾਕਿਆਂ ਸੰਬੰਧੀ ਕੋਈ ਸ਼ੱਕ ਹੋਵੇ ਜਾਂ ਇਸ ਦਾ ਪਰਮਿਟ ਹਾਸਿਲ ਕਰਨਾ ਹੋਵੇ ਤਾਂ ਸਿਟੀ ਆਫ ਸਰੀ ਦੀ ਵੈਬਸਾਈਟ ਤੋਂ ਜਾਣਕਾਰੀ ਹਾਸਿਲ ਕੀਤੀ ਜਾ ਸਕਦੀ ਹੈ।
ਲੋਕਾਂ ਨੂੰ ਸਾਵਧਾਨ ਕੀਤਾ ਗਿਆ ਹੈ ਕਿ ਜੇਕਰ ਕੋਈ ਪਟਾਕੇ ਵੇਚਦਾ ਫੜਿਆ ਗਿਆ ਜਾਂ ਪਟਾਕੇ ਚਲਾਉਂਦਾ ਫੜਿਆ ਗਿਆ ਤਾਂ ਪਟਾਕੇ ਜਬਤ ਕਰਨ ਤੋਂ ਇਲਾਵਾ ਜੁਰਮਾਨੇ ਹੋ ਸਕਦੇ ਹਨ।
ਲੋਕਾਂ ਨੂੰ ਆਖਿਆ ਗਿਆ ਹੈ ਕਿ ਆਂਢ-ਗੁਆਂਢ ਜਾਂ ਇਲਾਕੇ 'ਚ ਪਟਾਕਿਆਂ ਦੇ ਇਸਤੇਮਾਲ ਸੰਬੰਧੀ ਸਰੀ ਬਾਈਲਾਸ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
ਹਾਲਾਂਕਿ ਲੋਕਾਂ ਨੂੰ ਇਹ ਵੀ ਮੰਗ ਕੀਤੀ ਗਈ ਹੈ ਕਿ ਪਟਾਕਿਆਂ ਦੇ ਸ਼ੋਰ ਸੰਬੰਧੀ 911 ਕਾਲਸ ਨਾ ਕੀਤੀਆਂ ਜਾਣ।
ਸਰੀ ਬਾਈਲਾਸ ਨਾਲ ਸੰਪਰਕ ਕਰਨ ਲਈ 604 591 4370 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
