15.1C Vancouver 15.1C VancouverNov 11, 2020 4:45 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਅੱਜ ਕੈਨੇਡਾ ਵਾਸੀਆਂ ਨੂੰ ਰਿਮੈਮਬਰੈਂਸ ਡੇਅ ਮੌਕੇ ਪੌਪੀ ਫ਼ਲਾਵਰ ਪਹਿਨ ਕੇ ਪਹਿਲੀ ਸੰਸਾਰ ਜੰਗ ਵਿੱਚ ਸ਼ਹੀਦ ਹੋਏ ਕਨੇਡੀਅਨ ਵੈਟਰਨਜ਼ ਨੂੰ ਸ਼ਰਧਾਂਜਲੀ ਦੇਣ, ਅਤੇ ਅੱਜ ਦੇ ਸਮਾਰੋਹਾਂ ਨੂੰ ਔਨਲਾਈਨ ਵੇਖਣ ਲਈ ਕਿਹਾ ਜਾ ਰਿਹਾ ਹੈ।
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਦਾ ਕਹਿਣਾ ਹੈ ਕਿ ਸ਼ਹੀਦਾਂ ਨੂੰ ਪਰੇਡਾਂ ਜਾਂ ਸਮਾਰਕਾਂ ਰਾਹੀਂ ਯਾਦ ਕਰਨ ਤੋਂ ਇਲਾਵਾ ਵੀ ਉਹਨਾਂ ਨੂੰ ਸ਼ਰਧਾਂਜਲੀ ਦੇਣ ਦੇ ਹੋਰ ਤਰੀਕੇ ਹੋ ਸਕਦੇ ਹਨ।
ਉਹਨਾਂ ਕਿਹਾ ਕਿ ਭਾਵੇਂ ਇਸ ਸਾਲ ਕੈਨੇਡਾ ਦੇ ਵਸਨੀਕ ਕੋਵਿਡ-19 ਵਰਗੀ ਗੰਭੀਰ ਸਮੱਸਿਆ ਨਾਲ ਜੂਝ ਰਹੇ ਹਨ, ਫਿਰ ਵੀ ਸ਼ਹੀਦਾਂ ਨੂੰ ਯਾਦ ਕੀਤਾ ਜਾਵੇਗਾ।
ਹਾਲ ਵਿੱਚ ਕਈ ਸੂਬਿਆਂ ਵਿੱਚ ਕੋਵਿਡ-19 ਦੇ ਮਾਮਲਿਆਂ ਦੀ ਗਿਣਤੀ ਵਿੱਚ ਵਾਧਾ ਦਰਜ ਹੋਣ ਕਾਰਣ, ਰੌਇਲ ਕਨੇਡੀਅਨ ਲੀਜਨ ਵੱਲੋਂ ਇਸ ਸਾਲ ਦੇ ਸਮਾਰੋਹਾਂ ਨੂੰ ਬਹੁਤ ਸਾਦਾ ਰੱਖਿਆ ਗਿਆ ਹੈ, ਅਤੇ ਲੋਕਾਂ ਨੂੰ ਘਰ ਰਹਿ ਕੇ, ਇਹਨਾਂ ਵਿੱਚ ਔਨਲਾਈਨ ਸ਼ਾਮਿਲ ਹੋਣ ਲਈ ਪ੍ਰੇਰਿਆ ਜਾ ਰਿਹਾ ਹੈ।
