13.32C Vancouver 13.32C VancouverJan 22, 2021 6:21 PM -
ਰਿਚਮੰਡ 'ਚ ਪੁਲਿਸ ਵੱਲੋਂ ਇੱਕ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇਸ ਵਿਅਕਤੀ ਨੂੰ ਲੋਕਾਂ ਲਈ ਖਤਰਾ ਖੜਾ ਕਰਨ ਦਾ ਸ਼ੱਕ ਵੀ ਜ਼ਾਹਿਰ ਕੀਤਾ ਜਾ ਰਿਹਾ ਹੈ।
ਇਸ ਵਿਅਕਤੀ ਨੇ ਕਥਿਤ ਤੌਰ 'ਤੇ ਆਪਣਾ 'ਐਂਕਲ ਬ੍ਰੇਸਲੈਟ' ਯਾਨੀ ਕਿ ਗਿੱਟੇ 'ਤੇ ਬੰਨਿਆ ਮਾਨੀਟਰ ਕਰਨ ਵਾਲਾ ਉਪਕਰਣ ਵੀ ਕੱਟ ਕੇ ਸੁੱਟ ਦਿੱਤਾ ਹੈ।
ਰਿਚਮੰਡ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ 57 ਸਾਲਾ ਵੂਨ ਚਾਨ ਦਾ 'ਮਾਨਿਟ੍ਰਿੰਗ ਬ੍ਰੇਸਲੈਟ' ਵੀਰਵਾਰ ਨੂੰ ਆਫਲਾਈਨ ਹੋ ਗਿਆ ਸੀ।
ਉਸ ਨੂੰ ਬੀ.ਸੀ. ਕ੍ਰੈਕਸ਼ਨਸ ਸਟਾਫ਼ ਵੱਲੋਂ ਮਾਨੀਟਰ ਕੀਤਾ ਜਾ ਰਿਹਾ ਸੀ।
ਇਹ ਬ੍ਰੇਸਲੈਟ ਮਿਨੋਰੁ ਪਾਰਕ ਕੋਲ ਮਿਲਿਆ ਸੀ।
ਇਸ ਵਿਅਕਤੀ ਨੂੰ ਲੋਕਾਂ ਲਈ ਖਤਰਾ ਕਿਉਂ ਮੰਨਿਆ ਜਾ ਰਿਹਾ ਹੈ, ਇਸ ਦੀ ਜਾਣਕਾਰੀ ਪੁਲਿਸ ਨੇ ਨਹੀਂ ਦਿੱਤੀ।
ਇਸ ਵਿਅਕਤੀ ਦੀ ਤਸਵੀਰ ਜਾਰੀ ਕਰਦੇ ਹੋਏ ਲੋਕਾਂ ਨੂੰ ਸਾਵਧਾਨ ਕੀਤਾ ਗਿਆ ਹੈ ਕਿ ਇਸ ਤੱਕ ਪਹੁੰਚ ਨਾ ਕੀਤੀ ਜਾਵੇ ਅਤੇ ਪੁਲਿਸ ਨਾਲ ਸੰਪਰਕ ਕੀਤਾ ਜਾਵੇ।
