17.87C Vancouver 17.87C VancouverJul 22, 2024 6:25 PM - The Associated Press
ਅਮਰੀਕਾ ਦੀ ਸੀਕਰੇਟ ਸਰਵਿਸ ਦੀ ਡਾਇਰੈਕਟਰ ਕਿੰਬਰਲੀ ਚੀਟਲ ਨੇ ਟਰੰਪ ’ਤੇ ਹੋਈ ਗੋਲੀਬਾਰੀ ਵਿਚ ਏਜੰਸੀ ਅਤੇ ਉਨ੍ਹਾਂ ਦੀ ਟੀਮ ਦਾ ਫੇਲੀਅਰ ਮੰਨਿਆ ਹੈ ਪਰ ਕਿੰਬਰਲੀ ਨੇ ਕਿਹਾ ਕਿ ਉਹ ਅਸਤੀਫਾ ਨਹੀਂ ਦੇਵੇਗੀ।
ਪ੍ਰਤੀਨਿਧੀ ਸਦਨ ਦੀ ਕਮੇਟੀ ਸਾਹਮਣੇ ਪੇਸ਼ ਹੋਈ ਸੀਕ੍ਰੇਟ ਸਰਵਿਸ ਦੇ ਮੁਖੀ ਨੇ ਕਿਹਾ ਕਿ 13 ਜੁਲਾਈ ਨੂੰ ਸਾਬਕਾ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਹੋਈ ਹੱਤਿਆ ਦੀ ਕੋਸ਼ਿਸ਼ ਹਾਲ ਹੀ ਦੇ ਦਹਾਕਿਆਂ ਵਿਚ ਸੀਕ੍ਰੇਟ ਸਰਵਿਸ ਦਾ ਸਭ ਤੋਂ ਵੱਡੀ ਕਾਰਜਸ਼ੀਲ ਅਸਫਲਤਾ ਸੀ।
ਉਨ੍ਹਾਂ ਰਿਪਬਲਿਕਨ ਅਤੇ ਡੈਮੋਕ੍ਰੇਟ ਦੋਵਾਂ ਵਲੋਂ ਅਸਤੀਫਾ ਮੰਗੇ ਜਾਣ ਦੀ ਮੰਗ ਨੂੰ ਖਾਰਜ ਕਰ ਦਿੱਤਾ ਅਤੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਇਸ ਸਮੇਂ ਸੀਕ੍ਰੇਟ ਸਰਵਿਸ ਦੀ ਨੁਮਾਇੰਦਗੀ ਕਰਨ ਲਈ ਮੈਂ ਵਧੀਆ ਆਦਮੀ ਹਾਂ। ਟਰੰਪ ’ਤੇ ਹਮਲਾਵਰ ਨੇ ਜਿਸ ਬਿਲਡਿੰਗ ਤੋਂ ਗੋਲੀ ਚਲਾਈ ਸੀ, ਉਸ ਨੂੰ ਸੀਕ੍ਰੇਟ ਸਰਵਿਸ ਨੇ ਸਕਿਓਰਿਟੀ ਜ਼ੋਨ ਵਿਚ ਸ਼ਾਮਲ ਨਹੀਂ ਕੀਤਾ ਸੀ।
ਕਿੰਬਰਲੀ ਤੋਂ ਜਦੋਂ ਹਾਊਸ ਦੀ ਕਮੇਟੀ ਵਲੋਂ ਇਸ ਬਾਰੇ ਸਵਾਲ ਪੁੱਛਿਆ ਗਿਆ ਕਿ ਸੀਕ੍ਰੇਟ ਏਜੰਟਸ ਉੱਥੇ ਤਾਇਨਾਤ ਕਿਉਂ ਨਹੀਂ ਸਨ ਤਾਂ ਉਨ੍ਹਾਂ ਨੇ ਇਸ ’ਤੇ ਚੱਲ ਰਹੀ ਜਾਂਚ ਦਾ ਹਵਾਲਾ ਦਿੰਦੇ ਹੋਏ ਵਧੇਰੇ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਅੱਗੇ ਕਿਹਾ ਕਿ ਸੀਕ੍ਰੇਟ ਸਰਵਿਸ ਨੇ ਰੈਲੀ ਲਈ ਟਰੰਪ ਦੀ ਮੁਹਿੰਮ ਵਲੋਂ ਮੰਗੀ ਗਈ ਸੁਰੱਖਿਆ ਪ੍ਰਦਾਨ ਕੀਤੀ ਸੀ।
