ਪੈਂਡੇਮਿਕ ਵਾਰਨਿੰਗ ਦਾ ਸਿਕਿਉਰਿਟੀ ਅਤੇ ਸਿਹਤ ਮਾਹਿਰ ਕਰਨਗੇ ਰੀਵਿਊ

ਸਿਹਤ ਮੰਤਰੀ ਪੈਟੀ ਹਾਏਡੂ ਦਾ ਕਹਿਣਾ ਹੈ ਕਿ ਸਾਬਕਾ ਰਾਸ਼ਟਰੀ ਸਿਕਿਉਰਿਟੀ ਐਡਵਾਈਜ਼ਰ ਵੱਲੋਂ ਇੱਕ ਜਾਂਚ ਦੀ ਅਗਵਾਈ ਕੀਤੀ ਜਾਵੇਗੀ, ਜਿਸ 'ਚ ਪਤਾ ਕੀਤਾ ਜਾਵੇਗਾ ਕਿ ਕੈਨੇਡਾ ਦਾ ਪੈਂਡੇਮਿਕ ਵਾਰਨਿੰਗ ਸਿਸਟਮ ਕੋਵਿਡ-19 ਦੇ ਵਧਣ ਤੋਂ ਪਹਿਲਾਂ ਡਿੱਗ ਗਿਆ ਸੀ।

3 ਮੈਂਬਰੀ ਰੀਵਿਊ ਪੈਨਲ ਨੂੰ ਮਾਰਗ੍ਰੇਟ ਬਲੱਡਵਰਥ ਵੱਲੋਂ ਚੇਅਰ ਕੀਤਾ ਜਾਵੇਗਾ।

ਇਹ ਪੈਨਲ ਸਟਡੀ ਕਰੇਗਾ ਕਿ ਗਲੋਬਲ ਪਬਲਿਕ ਹੈਲਥ ਇੰਟੈਲੀਜੈਂਸ ਨੈਟਵਰਕ 'ਚ ਕੀ ਗੜਬੜ ਹੋ ਗਈ ਸੀ।

ਇਸ ਪੈਨਲ 'ਚ ਸਾਬਕਾ ਡਿਪਟੀ ਪਬਲਿਕ ਹੈਲਥ ਅਫ਼ਸਰ, ਡਾ. ਪੌਲ ਗਲੀ ਅਤੇ ਕਿਊਬੈਕ ਦੀ ਯੂਨੀਵਰਸਿਟੀ ਡੀ ਸ਼ੈਰਬਰੁਕ (Universite de Sherbrooke) 'ਚ ਕੈਨੇਡਾ ਰਿਸਰਚ ਚੇਅਰ ਇਨ ਕਲੀਨੀਕਲ ਗਵਰਨੈਂਸ ਆਉਣ ਪ੍ਰਾਈਮਰੀ ਹੈਲਥ ਕੇਅਰ (Canada Research Chair in Clinical Governance on Primary Health Care) ਮੇਲੇਨ ਬ੍ਰੈਟਨ ਵੀ ਸ਼ਾਮਿਲ ਹੋਣਗੇ।

ਇਸ ਨੈਟਵਰਕ ਨੂੰ ਜੀ.ਪੀ.ਐਚ.ਆਈ.ਐਨ. (GPHIN) ਵਜੋਂ ਵੀ ਜਾਣਿਆ ਜਾਂਦਾ ਹੈ, ਅਤੇ ਇਸ ਨੂੰ ਕਰੀਬ 2 ਦਹਾਕੇ ਪਹਿਲਾਂ ਸਥਾਪਿਤ ਕੀਤਾ ਗਿਆ ਸੀ ਅਤੇ ਇਸ ਦੇ ਆਸਰੇ 2003 ਦੇ ਸਾਰਸ ਪੈਂਡੇਮਿਕ ਅਤੇ 2009 ਦੇ H1N1 ਪੈਂਡੇਮਿਕ ਦੇ ਵਧਣ ਤੋਂ ਪਹਿਲਾਂ ਹੀ ਆਗਾਹ ਕੀਤਾ ਜਾ ਸਕਿਆ ਸੀ।