19.94C Vancouver 19.94C VancouverJun 20, 2024 5:09 PM - The Canadian Press
ਨਾਰਥ ਸਰੀ ਵਿਚ ਐਤਵਾਰ ਰਾਤ ਮਾਰੀ ਗਈ ਔਰਤ ਦੀ ਪਛਾਣ ਬਾਰੇ ਪੁਲਿਸ ਵਲੋਂ ਵੀ ਪੁਸ਼ਟੀ ਕਰ ਦਿੱਤੀ ਗਈ ਹੈ ਪਰ ਅਜੇ ਤੱਕ ਸ਼ੱਕੀ ’ਤੇ ਚਾਰਜਿਜ਼ ਨਹੀਂ ਲਗਾਏ ਗਏ। ਔਰਤ ਦੀ ਪਛਾਣ ਟੋਰੀ ਰਾਈਟ ਲੈਂਡਸਕੇਪਿੰਗ ਸਰਵਿਸਿਜ਼ ਦੀ ਮਾਲਕਣ ਟੋਰੀ ਡਨ ਵਜੋਂ ਹੋਈ ਹੈ।
ਗੌਰਤਲਬ ਹੈ ਕਿ ਸਰੀ ਦੇ ਪੋਰਟ ਕੇਲਸ ਨੇੜੇ ਐਤਵਾਰ ਰਾਤ 30 ਸਾਲਾ ਡਨ ਦਾ ਕਤਲ ਹੋਇਆ । ਵਿਕਟਿਮ ਜਾਨਲੇਵਾ ਸੱਟਾਂ ਨਾਲ ਪਾਰਸਨ ਡਰਾਈਵ ਨੇੜਲੇ 1821 ਏ ਸਟ੍ਰੀਟ ਦੀ ਪ੍ਰੋਪਰਟੀ ਵਿਚ ਮਿਲੀ ਸੀ।
ਸਰੀ ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਇਕ ਸ਼ੱਕੀ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ ਅਤੇ ਇਸ ਨੂੰ ਬੇਤਰਤੀਬ ਹਮਲਾ ਮੰਨ ਕੇ ਜਾਂਚ ਕਰ ਰਹੀ ਹੈ। ਬੀਤੇ ਦਿਨ ਉਸ ਦੇ ਪਰਿਵਾਰ ਨੇ ਉਸ ਦੀ ਪਛਾਣ ਸਾਂਝੀ ਕੀਤੀ ਸੀ।
ਸਟਾਫ ਸਾਰਜੈਂਟ ਡੇਵਿਡ ਲੀ ਨੇ ਡਨ ਦੀ ਮੌਤ ’ਤੇ ਦੁੱਖ ਸਾਂਝਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਵਲੋਂ ਹਿਰਾਸਤ ਵਿਚ ਲਏ ਗਏ ਸ਼ੱਕੀ ਨੂੰ ਡਨ ਦੇ ਕਤਲ ਦੇ ਦੋਸ਼ ਵਿਚ ਨਹੀਂ ਸਗੋਂ ਕਿਸੇ ਹੋਰ ਮਾਮਲੇ ਵਿਚ ਚਾਰਜ ਕੀਤਾ ਗਿਆ ਹੈ।
