16.1C Vancouver 16.1C VancouverJan 12, 2022 11:21 PM - ANI
ਦੋ ਭਰਾ ਜਿਹੜੇ ਕਿ 1947 ਵਿੱਚ ਭਾਰਤ ਦੀ ਵੰਡ ਵੇਲੇ ਇਕ ਦੂਜੇ ਤੋਂ ਵਿਛੜ ਗਏ ਸਨ, 74 ਸਾਲਾਂ ਬਾਅਦ ਗੁਰਦੁਆਰਾ ਕਰਤਾਰਪੁਰ ਸਾਹਿਬ ਵਿਚ ਮੁੜ ਮਿਲ ਗਏ ਹਨ।
ਪਾਕਿਸਤਾਨੀ ਮੀਡੀਆ ਨੇ ਅੱਜ ਇਸ ਬਾਰੇ ਰਿਪੋਰਟ ਦਿੱਤੀ।
ਮੰਗਲਵਾਰ ਨੂੰ ਇਨ੍ਹਾਂ ਦੀ ਇਮੋਸ਼ਨਲ ਰੀਯੂਨੀਅਨ ਦੀ ਇਕ ਵੀਡੀਓ ਨੈਸ਼ਨਲ ਮੀਡੀਆ 'ਤੇ ਸਰਕੁਲੇਟ ਹੋਈ ਹੈ।
ਦਿ ਨਿਊਜ਼ ਇੰਟਰਨੈਸ਼ਨਲ ਨੇ ਰਿਪੋਰਟ ਵਿੱਚ ਕਿਹਾ ਕਿ ਪਾਕਿਸਤਾਨ ਦੇ ਫੈਸਲਾਬਾਦ ਦਾ ਇਕ ਨਿਵਾਸੀ, ਸਿੱਦੀਕੀ ਆਪਣੇ ਵੱਡੇ ਭਰਾ ਹਬੀਬ ਨੂੰ ਮਿਲਿਆ ਜੋ ਕਿ ਭਾਰਤ ਵਾਲੇ ਪਾਸੇ ਦੇ ਪੰਜਾਬ ਵਿਚਲੇ ਫੁੱਲਾਂਵਾਲ ਇਲਾਕੇ ਤੋਂ ਗੁਰਦਵਾਰਾ ਸਾਹਿਬ ਆਇਆ ਸੀ।
ਇਨ੍ਹਾਂ ਦਾ ਮਿਲਨ ਭਾਰਤ ਨਾਲ ਲੱਗਦੀ ਸਰਹੱਦ 'ਤੇ ਪਾਕਿਸਤਾਨ ਵਿਚ ਸਥਿਤ ਗੁਰਦੁਆਰਾ ਸਾਹਿਬ ਨੂੰ ਜੋੜਦੇ ਕਰਤਾਰਪੁਰ ਲਾਂਘੇ ਰਾਹੀਂ ਹੋਇਆ ਹੈ।
ਵੰਡ ਵੇਲੇ ਸਿੱਦੀਕੀ ਇਕ ਛੋਟਾ ਬੱਚਾ ਸੀ ਜਦੋਂ ਉਨ੍ਹਾਂ ਦਾ ਪਰਿਵਾਰ ਵਿਛੜ ਗਿਆ ਅਤੇ ਉਸ ਦਾ ਵੱਡਾ ਭਰਾ ਹਬੀਬ ਭਾਰਤ ਵਿੱਚ ਹੀ ਪਲ ਕੇ ਵੱਡਾ ਹੋਇਆ।
ਦੋਵੇਂ ਭਰਾ ਇੱਕ ਦੂਜੇ ਨਾਲ ਜੱਫੀ ਪਾ ਕੇ ਮਿਲੇ ਤੇ ਇਸ ਦੌਰਾਨ ਦੋਵੇਂ ਹੀ ਆਪਣੇ ਹੰਝੂ ਨਾ ਰੋਕ ਸਕੇ।
ਉਨ੍ਹਾਂ ਦੋਹਾਂ ਨੇ ਪੁਰਾਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ।
ਉਨ੍ਹਾਂ ਦੋਵਾਂ ਨੇ ਇੱਕ ਦੂਜੇ ਨੂੰ ਕਿਹਾ ਕਿ ਉਹ ਇਸ ਲਾਂਘੇ ਰਾਹੀਂ ਅੱਗੋਂ ਵੀ ਮਿਲਦੇ ਰਿਹਾ ਕਰਨਗੇ।
