ਕੋਕਟਲਮ ਆਰ.ਸੀ.ਐਮ.ਪੀ. ਨੇ ਵੱਡੀ ਗਿਣਤੀ 'ਚ ਬੰਦੂਕਾਂ ਸਮੇਤ ਡਰੱਗਸ ਤੇ ਲਗਜ਼ਰੀ ਗੱਡੀਆਂ ਕੀਤੀਆਂ ਬਰਾਮਦ

ਕੋਕਟਲਮ ਆਰ.ਸੀ.ਐਮ.ਪੀ. ਦੇ ਡਰੱਗਸ ਅਤੇ ਔਰਗੇਨਾਈਜਡ ਕਰਾਈਮ ਸੈਕਸ਼ਨ ਵੱਲੋਂ ਬੰਦੂਕਾਂ, ਡਰੱਗਸ, ਕੈਸ਼ ਅਤੇ ਲਗਜ਼ਰੀ ਵਾਹਨਾਂ ਦੀ ਵੱਡੀ ਜਬਤਗੀ ਕੀਤੀ ਗਈ ਹੈ।

ਸਿਤੰਬਰ 2020 'ਚ ਮਿਲੀ ਡਰੱਗ ਤਸਕਰੀ ਦੇ ਸੰਗਠਿਤ ਮਾਮਲੇ ਤੋਂ ਬਾਅਦ ਮਾਮਲੇ 'ਚ ਜਾਂਚ ਅਰੰਭੀ ਗਈ ਸੀ।

ਮਲਟੀ-ਜਿਊਰੀਸਡਿਕਸ਼ਨਲ ਜਾਂਚ ਤੋਂ ਬਾਅਦ ਪੁਲਿਸ ਨੇ 7 ਤਲਾਸ਼ੀ ਦੇ ਵਾਰੰਟ ਹਾਸਿਲ ਕੀਤੇ ਜਿੰਨਾ ਨੂੰ ਅਪ੍ਰੈਲ ਤੋਂ ਦਿਸੰਬਰ 2021 ਵਿਚਾਲੇ ਅੰਜਾਮ ਦਿੱਤਾ ਗਿਆ।

ਇਸ ਦੌਰਾਨ ਵੀ.ਪੀ.ਡੀ. ਰਿਚਮੰਡ ਆਰ.ਸੀ.ਐਮ.ਪੀ. ਅਤੇ ਕਈ ਹੋਰ ਏਜੈਂਸੀਆਂ ਨੇ ਜਾਂਚ 'ਚ ਯੋਗਦਾਨ ਪਾਇਆ।

ਜਾਂਚ ਦੌਰਾਨ 3kg ਸ਼ੱਕੀ ਫੈਂਟਾਨਿਲ, 5.4kg ਸ਼ੱਕੀ ਕੋਕੇਨ, 866 ਗਰਾਮ ਸ਼ੱਕੀ ਮੈਥਮਫਿਟਾਮੀਨ, 1.8kg ਸ਼ੱਕੀ ਐਮ.ਡੀ.ਐਮ.ਏ., 828.5 ਗਰਾਮ ਸ਼ੱਕੀ ਕੀਟਾਮੀਨ, 100 ਸ਼ੱਕੀ ਔਕਸੀ ਪਿਲਸ, 200 ਅਸੌਰਟਿਡ ਪਿਲਸ ਅਤੇ 8kg ਕਟਿੰਗ ਏਜੈਂਟ ਬਰਾਮਦ ਹੋਏ।

ਇਸ ਤੋਂ ਇਲਾਵਾ 12 ਸੈਮੀ-ਔਟੋਮੈਟਿਕ ਕਾਰਬਾਈਨ, 11 ਹੈਂਡਗਨ, ਮੈਗਜ਼ੀਨ ਅਤੇ ਅਸਲਾ ਬਰਾਮਦ ਹੋਇਆ।

ਇਸ ਦੇ ਨਾਲ ਹੀ $1,64,000 ਤੋਂ ਵਧੇਰੇ ਕੈਸ਼ ਬਰਾਮਦ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।

ਪੁਲਿਸ ਨੇ ਦੱਸਿਆ ਕਿ ਜਬਤ ਕੀਤੇ ਗਏ ਲਗਜ਼ਰੀ ਵਾਹਨਾਂ 'ਚ 2017 ਜੀਪ ਚੈਰੋਕੀ, 2018 ਔਡੀ ਏ, 2019 ਇਨਫਿਨਿਟੀ ਕਿਉ50 ਅਤੇ 2021 ਔਡੀ ਐਸ.ਕਿਉ5 ਸ਼ਾਮਿਲ ਸਨ।

ਦੱਸਿਆ ਗਿਆ ਕਿ ਮਾਮਲੇ 'ਚ ਕੋਕਟਲਮ ਦੇ 3 ਆਦਮੀਆਂ ਅਤੇ 2 ਔਰਤਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।

8 ਦਿਸੰਬਰ ਨੂੰ ਹੋਈਆਂ ਗ੍ਰਿਫਤਾਰੀਆਂ 'ਚ ਸ਼ਾਮਿਲ ਇਨ੍ਹਾਂ ਲੋਕਾਂ ਦੀ ਉਮਰ 20 ਤੋਂ 30 ਸਾਲ ਦਰਮਿਆਨ ਦੱਸੀ ਗਈ ਹੈ।

ਇਨ੍ਹਾਂ ਸਾਰਿਆਂ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਜੁੜਿਆ ਦੱਸਿਆ ਗਿਆ ਹੈ।

ਹਾਲਾਂਕਿ ਦੋਸ਼ ਤੈਅ ਹੋਣ ਤਕ ਇਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ।

ਪੂਰੀ ਰਿਪੋਰਟ ਪੜ੍ਹਨ ਲਈ ਲਿੰਕ ਕਲਿਕ ਕਰੋ:

https://coquitlam.rcmp-grc.gc.ca/ViewPage.action?siteNodeId=2115&languageId=1&contentId=73246