12.87C Vancouver 12.87C VancouverApr 15, 2024 8:15 PM - The Canadian Press
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਉਹ ਪ੍ਰਦੂਸ਼ਣ ’ਤੇ ਕਾਰਬਨ ਟੈਕਸ ਦਾ ਸਮਰਥਨ ਕਰਦੇ ਹਨ। ਇਸ ’ਤੇ ਉਨ੍ਹਾਂ ਦੀ ਸਤਿਥੀ ਨਹੀਂ ਬਦਲੀ ਪਰ ਉਨ੍ਹਾਂ ਕਿਹਾ ਕਿ ਲਿਬਰਲ ਸਰਕਾਰ ਕੋਲ ਵਰਕਿੰਗ ਕਲਾਸ ਲੋਕਾਂ ਨੂੰ ਹੀਟ ਪੰਪ ਖਰੀਦਣ ਵਿਚ ਮਦਦ ਦੇਣ ਲਈ ਫੰਡ ਨਹੀਂ ਹੈ, ਜਦੋਂ ਕਿ ਔਇਲ ਅਤੇ ਗੈਸ ਕੰਪਨੀਆਂ ਨੂੰ ਬਿਲੀਅਨ ਡਾਲਰ ਸਬਸਿਡੀ ਵਿਚ ਦਿੱਤੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਮੇਰੇ ਲਈ ਵੱਡੀ ਚਿੰਤਾ ਦੀ ਗੱਲ ਹੈ ਜਿਸ ਨੂੰ ਲੈ ਕੇ ਕੈਨੇਡੀਅਨ ਚਿੰਤਤ ਹਨ।
ਗੌਰਤਲਬ ਹੈ ਕਿ ਪਿਛਲੇ ਹਫ਼ਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਸੀ ਕਿ ਜਗਮੀਤ ਸਿੰਘ ਕਾਰਬਨ ਦੀ ਕੀਮਤ ਤੋਂ ਆਪਣਾ ਸਮਰਥਨ ਵਾਪਸ ਕਿਉਂ ਲੈ ਰਹੇ ਹਨ ਇਹ ਸਮਝ ਤੋਂ ਪਰੇ ਹੈ।
ਜਗਮੀਤ ਸਿੰਘ ਨੇ ਅੱਜ ਪਾਰਲੀਮੈਂਟ ਹਿੱਲ ਵਿਖੇ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ ਕਿ ਸਾਨੂੰ ਬਿਲਕੁਲ ਵਾਤਾਵਰਣ ਤਬਦੀਲੀ ਖਿਲਾਫ ਲੜਨ ਦੀ ਜ਼ਰੂਰਤ ਹੈ ਪਰ ਸਾਡੀ ਚਿੰਤਾ ਇਹ ਹੈ ਕਿ ਕੰਜ਼ਰਵੇਟਿਵ ਕੋਲ ਇਸ ਲਈ ਕੋਈ ਪਲੈਨ ਨਹੀਂ ਹੈ ਦੂਜੇ ਪਾਸੇ ਲਿਬਰਲਸ ਵਰਕਿੰਗ ਕਲਾਸ ਲੋਕਾਂ ਨਾਲ ਵਿਤਕਰਾ ਕਰ ਰਹੇ ਹਨ।
ਉਥੇ ਹੀ ਬਜਟ ਬਾਰੇ ਉਨ੍ਹਾਂ ਕਿਹਾ ਕਿ ਉਹ ਵੱਡੇ ਗ੍ਰੋਸਰੀ ਸੀ. ਈ.ਓਜ਼ ਵਲੋਂ ਬਣਾਏ ਜਾ ਰਹੇ ਮੋਟੇ ਪ੍ਰੋਫਿਟ ’ਤੇ ਟੈਕਸ ਵਧਾਏ ਜਾਣ ਦੀ ਮੰਗ ਕਰਦੇ ਹਨ। ਦੱਸ ਦੇਈਏ ਕਿ ਕਿ ਕੱਲ ਸ਼ਾਮ ਲਿਬਰਲ ਸਰਕਾਰ 2024 ਲਈ ਬਜਟ ਪੇਸ਼ ਕਰਨ ਜਾ ਰਹੀ ਹੈ।
