25.21C Vancouver 25.21C VancouverMar 23, 2022 12:40 AM - The Canadian Press
ਨਿਊ ਵੈਸਟਮਿਨਸਟਰ ਦੀ ਇੱਕ ਔਰਤ ਦੀ ਮੌਤ ਦੇ ਮਾਮਲੇ 'ਚ ਇੱਕ 22 ਸਾਲਾ ਵਿਅਕਤੀ ਨੂੰ 10 ਸਾਲ ਦੀ ਕੈਦ ਦੀ ਸਜਾ ਸੁਣਾਈ ਗਈ ਹੈ।
ਜੇਲ੍ਹ 'ਚ ਬਿਤਾਏ ਜਾ ਚੁੱਕੇ ਸਮੇਂ ਤੋਂ ਬਾਅਦ ਹੁਣ ਦੋਸ਼ੀ ਨੂੰ 8 ਸਾਲ ਅਤੇ 6 ਮਹੀਨੇ ਹੋਰ ਕੈਦ ਕੱਟਣੀ ਹੋਵੇਗੀ।
ਇਸ ਮਾਮਲੇ 'ਚ ਇੱਕ ਆਦਮੀ ਨੇ ਅੱਜ ਹੀ ਦੋਸ਼ ਕਬੂਲੇ ਸਨ।
ਔਰਤ ਦਾ ਮ੍ਰਿਤ ਸ਼ਰੀਰ ਬਰਨਬੀ ਦੇ ਇੱਕ ਪਾਰਕ 'ਚ ਮਿਲਿਆ ਸੀ।
ਔਰਤ ਦਾ ਮ੍ਰਿਤ ਸ਼ਰੀਰ ਅੱਗ ਲੱਗਣ ਕਾਰਨ ਝੁਲਸੀ ਅਵਸਥਾ 'ਚ ਮਿਲਿਆ ਸੀ।
ਇਸ ਮਾਮਲੇ 'ਚ ਕਾਰਲੋ ਟੋਬੀਆਸ ਨਾਮ ਦੇ ਵਿਅਕਤੀ ਨੇ ਮੈਨਸਲੌਟਰ ਦੇ ਦੋਸ਼ ਕਬੂਲੇ ਸਨ।
ਇਸ ਵਿਅਕਤੀ 'ਤੇ ਪਹਿਲਾਂ ਫਰਸਟ ਡਿਗਰੀ ਕਤਲ ਅਤੇ 'ਇਨਡਿਗਨਿਟੀ ਟੁ ਹਿਊਮਨ ਰਿਮੇਨਸ' ਦੇ ਦੋਸ਼ ਲੱਗੇ ਸਨ।
ਇਸ ਤੋਂ ਇਲਾਵਾ ਇੱਕ 15 ਸਾਲਾ ਟੀਨੇਜਰ 'ਤੇ ਵੀ ਦੋਸ਼ ਲੱਗੇ ਸਨ ਜਿਸ ਦੀ ਕਿ ਯੂਥ ਕ੍ਰਿਮੀਨਲ ਜਸਟਿਸ ਐਕਟ ਤਹਿਤ ਪਛਾਣ ਸਾਂਝੀ ਨਹੀਂ ਕੀਤੀ ਜਾ ਸਕਦੀ।
ਟੋਬੀਆਸ 'ਤੇ 'ਸੈਕਸ਼ੂਅਲ ਇੰਟਰਫੇਰੈਂਸ ਆਫ ਅ ਮਾਈਨਰ' ਦੇ ਵੀ ਦੋਸ਼ ਲੱਗੇ ਸਨ।
ਦੋਸ਼ੀ ਦਾ ਕਹਿਣਾ ਸੀ ਕਿ ਉਸ ਨੇ ਔਰਤ ਨੂੰ ਉਸ ਦੇ ਘਰ 'ਚ ਮੂੰਹ 'ਤੇ ਮੁੱਕਾ ਮਾਰਿਆ ਸੀ ਪਰ ਇਸ ਤੋਂ ਬਾਅਦ ਉਸ 'ਤੇ ਚਾਕੂ ਨਾਲ ਵਾਰ ਕਰਨ 'ਚ ਉਸ ਦਾ ਕੋਈ ਹੱਥ ਨਹੀਂ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਪੀੜਤ ਔਰਤ ਨੂੰ ਕੰਬਲ 'ਚ ਲਪੇਟ ਕੇ ਟੇਪ ਕਰ ਦਿੱਤਾ ਗਿਆ ਸੀ ਅਤੇ ਫਿਰ ਉਸ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ ਸੀ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਸੀ ਕਿ 49 ਸਾਲਾ ਮਾ ਸੈਸਿਲੀਆ ਲੌਰੈਟੋ ਦਾ ਕਤਲ ਉਸ ਦੇ ਨਿਊ ਵੈਸਟਮਿਨਸਟਰ ਸਥਿਤ ਕਰ 'ਚ ਹੋਇਆ ਸੀ।
ਮਾਮਲਾ 17 ਮਾਰਚ 2021 ਦਾ ਹੈ।
ਇਸ ਤੋਂ ਅਗਲੇ ਦਿਨ ਬਰਨਬੀ ਦੇ ਗਰੀਨਟਰੀ ਵਿਲੇਜ ਪਾਰਕ 'ਚ ਔਰਤ ਦੀ ਅੱਗ ਕਾਰਨ ਝੁਲਸੀ ਮ੍ਰਿਤ ਦੇਹ ਮਿਲੀ ਸੀ।
