20.64C Vancouver 20.64C VancouverFeb 3, 2021 9:15 PM -
ਵੈਨਕੂਵਰ 'ਚ ਬ੍ਰੌਡਵੇਅ ਸਬਵੇਅ ਪ੍ਰੋਜੈਕਟ ਨੂੰ ਪੂਰਾ ਕਰਨ ਲਈ ਸਾਈਟਸ ਨੂੰ ਖਾਲੀ ਕਰਵਾਇਆ ਜਾ ਰਿਹਾ ਹੈ।
ਇਸ ਪ੍ਰੋਜੈਕਟ 'ਤੇ 2.83 ਬਿਲੀਅਨ ਡਾਲਰ ਦਾ ਖਰਚ ਆਉਣ ਦਾ ਅਨੁਮਾਨ ਹੈ।
ਇਸ ਦੇ ਸਾਲ 2025 ਤੱਕ ਪੂਰਾ ਹੋਣ ਦੀ ਗੱਲ ਆਖੀ ਗਈ ਹੈ।
ਵੈਨਕੂਵਰ ਦੇ ਕੁਝ ਸਭ ਤੋਂ ਵਿਅਸਤ ਇਲਾਕਿਆਂ 'ਚ ਇਸ ਪ੍ਰੋਜੈਕਟ ਦੇ ਆਸਰੇ ਆਵਾਜਾਈ ਆਸਾਨ ਬਣਾਉਣ ਦੀ ਕੋਸ਼ਿਸ਼ ਹੈ।
ਫੈਡਰਲ ਇੰਫ੍ਰਾਸਟ੍ਰਕਚਰ ਮੰਤਰੀ, ਕੈਥਰੀਨ ਮੈਕੇਨਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਇੰਫ੍ਰਾਸਟ੍ਰਕਚਰ ਪ੍ਰੋਜੈਕਟਸ ਵਿੱਚ ਕੁਝ ਇਤਿਹਾਸਿਕ ਨਿਵੇਸ਼ ਕਰ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਸਬਵੇਅ ਦੇ ਨਾਲ ਯਾਤਾਯਾਤ ਦੀ ਇੱਕ ਨਵੀਂ ਆਪਸ਼ਨ ਉਪਲਬਧ ਹੋਵੇਗੀ ਅਤੇ ਇਸ ਨਾਲ ਟ੍ਰੈਫਿਕ ਘਟੇਗਾ ਅਤੇ ਹਵਾ ਦਾ ਪ੍ਰਦੂਸ਼ਣ ਵੀ ਘਟੇਗਾ।
ਬੀ.ਸੀ. ਅਤੇ ਲੋਕਲ ਅਧਿਕਾਰੀਆਂ ਨਾਲ ਜਾਰੀ ਕੀਤੀ ਫੈਡਰਲ ਸਰਕਾਰ ਦੀ ਸਾਂਝੀ ਰਿਲੀਜ਼ 'ਚ ਦੱਸਿਆ ਗਿਆ ਕਿ ਇਸ ਪ੍ਰੋਜੈਕਟ ਲਈ ਕੁਝ ਇਮਾਰਤਾਂ ਨੂੰ ਢਾਹੁਣਾ ਜ਼ਰੂਰੀ ਹੈ।
ਇਸ ਦੇ ਨਾਲ 6 ਨਵੀਆਂ ਸਟੇਸ਼ਨ ਐਂਟਰੀਆਂ ਉਸਾਰੀਆਂ ਜਾਣਗੀਆਂ ਅਤੇ ਕੰਮ ਅਤੇ ਸਟੋਰੇਜ ਲਈ ਇਲਾਕਿਆਂ ਦੀ ਵਰਤੋਂ ਕੀਤੀ ਜਾਵੇਗੀ।
