13.42C Vancouver 13.42C VancouverJun 9, 2025 5:56 PM - The Canadian Press
ਓਨਟਾਰੀਓ ਦੇ ਸਿਹਤ ਦੇ ਮੁੱਖ ਮੈਡੀਕਲ ਅਧਿਕਾਰੀ ਨੇ ਖੁਲਾਸਾ ਕੀਤਾ ਹੈ ਕਿ ਸੂਬੇ ਵਿਚ ਪਿਛਲੇ ਸਾਲ ਦੇ ਅਕਤੂਬਰ ਤੋਂ ਖਸਰੇ ਦਾ ਪ੍ਰਕੋਪ ਸ਼ੁਰੂ ਹੋਣ ਤੋਂ ਬਾਅਦ ਛੇ ਬੱਚੇ ਜਨਮ ਤੋਂ ਇਸ ਸੰਕਰਮਣ ਨਾਲ ਪੈਦਾ ਹੋਏ ਹਨ। ਡਾ. ਕੀਰਨ ਮੂਰ ਨੇ ਕਿਹਾ ਕਿ ਇਹ ਬੱਚੇ ਗਰਭ ਵਿਚ ਉਨ੍ਹਾਂ ਮਾਵਾਂ ਤੋਂ ਸੰਕਰਮਿਤ ਹੋਏ, ਜੋ ਬਿਨਾਂ ਟੀਕਾਕਰਨ ਤੋਂ ਸਨ।
ਮੁੱਖ ਮੈਡੀਕਲ ਅਫ਼ਸਰ ਨੇ ਕਿਹਾ ਕਿ ਇਹ ਬੱਚੇ ਠੀਕ ਹੋ ਚੁੱਕੇ ਹਨ ਪਰ ਉਨ੍ਹਾਂ ਵਿਚ ਸੰਕਰਮਣ ਨੂੰ ਰੋਕਿਆ ਜਾ ਸਕਦਾ ਸੀ ਜੇ ਉਨ੍ਹਾਂ ਦੀਆਂ ਮਾਵਾਂ ਦਾ ਖਸਰੇ ਤੋਂ ਬਚਾਅ ਦਾ ਟੀਕਾ ਕਰਨ ਕੀਤਾ ਗਿਆ ਹੁੰਦਾ। ਉਨ੍ਹਾਂ ਕਿਹਾ ਕਿ ਖਸਰੇ ਨਾਲ ਜਨਮ ਲੈਣ ਵਾਲੇ ਬੱਚੇ ਨੂੰ ਗੰਭੀਰ ਚੁਣੌਤੀਆਂ ਹੋ ਸਕਦੀਆਂ ਹਨ, ਜਿਨ੍ਹਾਂ ਵਿਚ ਦਿਮਾਗ ਦੀ ਸੋਜ ਅਤੇ ਮੌਤ ਵੀ ਸ਼ਾਮਲ ਹੈ।
ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਡਾ. ਮੂਰ ਵਲੋਂ ਸਮੇਂ ਤੋਂ ਪਹਿਲਾਂ ਜਨਮੇ ਅਤੇ ਖਸਰੇ ਨਾਲ ਸੰਕ੍ਰਮਿਤ ਇੱਕ ਬੱਚੇ ਦੀ ਮੌਤ ਹੋਣ ਦੀ ਰਿਪੋਰਟ ਦਿੱਤੀ ਗਈ ਸੀ। ਡਾ. ਮੂਰ ਨੇ ਦੱਸਿਆ ਕਿ ਓਨਟਾਰੀਓ ਵਿਚ 40 ਗਰਭਵਤੀ ਔਰਤਾਂ ਖਸਰੇ ਨਾਲ ਸੰਕ੍ਰਮਿਤ ਹੋਈਆਂ ਹਨ ਅਤੇ ਸਿਰਫ਼ ਦੋ ਦਾ ਹੀ ਟੀਕਾਕਰਨ ਹੋਇਆ ਸੀ।
