23C Vancouver 23C VancouverFeb 22, 2021 9:24 PM -
ਅੱਜ ਕੈਨੇਡਾ ਪਰਤ ਰਹੇ ਕੁਝ ਯਾਤਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਕੈਨੇਡਾ ਦੇ ਠੰਡੇ ਮੌਸਮ ਤੋਂ ਵੀ ਵਧੇਰੇ ਠੰਡਾ ਸਵਾਗਤ ਹੋਇਆ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਲੰਮੇ ਸਮੇਂ ਲਈ ਹੋਟਲ ਬੁਕਿੰਗ ਸਿਸਟਮ ਨੂੰ ਐਕਸੈਸ ਕਰਨ ਲਈ ਉਡੀਕ ਕਰਨੀ ਪਈ।
ਇਸ ਸਿਸਟਮ ਜ਼ਰੀਏ 3 ਦਿਨ ਦੇ ਮੈਂਡੇਟੋਰੀ ਹੋਟਲ ਕੁਆਰੰਟੀਨ ਲਈ ਬੁਕਿੰਗ ਕੀਤੀ ਜਾ ਸਕਦੀ ਹੈ।
ਬੈਲਜੀਅਮ ਤੋਂ ਮੌਂਟਰੀਅਲ ਦੇ ਟਰੂਡੋ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਪਹੁੰਚੇ ਇੱਕ ਗਰੁੱਪ ਨੇ ਕਿਹਾ ਕਿ ਉਨ੍ਹਾਂ ਦੀਆਂ ਕਾਲਸ ਡਿਸਕਨੈਕਟ ਹੋ ਰਹੀਆਂ ਸਨ ਅਤੇ ਰਿਜ਼ਰਵੇਸ਼ਨ ਹਾਸਿਲ ਕਰਨ ਲਈ ਕਈ ਘੰਟੇ ਜਾਂ ਦਿਨ ਦਾ ਸਮਾਂ ਲਗ ਰਿਹਾ ਸੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਵਧੇਰੇ ਸਖਤ ਪਬੰਦੀਆਂ ਸਾਰਿਆਂ ਦੀ ਸੁਰੱਖਿਆ ਲਈ ਹਨ ਅਤੇ ਇਹ ਕਿਸੇ ਨੂੰ ਪ੍ਰੇਸ਼ਾਨ ਕਰਨ ਲਈ ਨਹੀਂ ਲਾਗੂ ਕੀਤੀਆਂ ਗਈਆਂ।
ਉਨ੍ਹਾਂ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਫੋਨਲਾਈਨਜ਼ ਦੀ ਕੁਝ ਪ੍ਰੇਸ਼ਾਨੀ ਰਹੀ ਹੈ ਪਰ ਇਸ ਨੂੰ ਸੋਮਵਾਰ ਤਕ ਠੀਕ ਕਰ ਲਿਆ ਜਾਵੇਗਾ।
