19.73C Vancouver 19.73C VancouverOct 6, 2020 3:31 PM -
ਸਾਬਕਾ ਪ੍ਰਧਾਨ ਮੰਤਰੀ ਜੌਹਨ ਟਰਨਰ ਦਾ ਸਟੇਟ ਫਿਊਨਰਲ ਅੱਜ ਡੌਊਨਟਾਊਨ ਟੋਰੌਂਟੋ ਦੇ ਵਿੱਚ ਆਯੋਜਿਤ ਕੀਤਾ ਜਾ ਰਿਹਾ ਹੈ।
ਇਸ ਖ਼ਾਸ ਸਮਾਗਮ ਵਿੱਚ 170 ਮਹਿਮਾਨਾਂ ਨੇ ਸ਼ਮੂਲੀਅਤ ਕੀਤੀ ਹੈ ਜਿਨ੍ਹਾਂ ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਟੋਰੌਂਟੋ ਦੇ ਮੇਅਰ ਜੌਹਨ ਟੋਰੀ ਅਤੇ ਫੈਡਰਲ ਮਨਿਸਟਰ ਕੈਰੋਲਿਨ ਬੈਨੇਟ ਵੀ ਸ਼ਾਮਿਲ ਹਨ।
ਸਰੀਰਿਕ ਦੂਰੀ ਨੂੰ ਧਿਆਨ ਵਿੱਚ ਰੱਖਦਿਆਂ ਸੇਂਟ ਮਾਈਕਲਜ਼ ਕੈਥੀਡਰਲ ਬੈਸਿਲਿਕਾ ਵਿਖੇ ਮੌਜੂਦ ਮਹਿਮਾਨਾਂ ਨੂੰ ਫ਼ਾਸਲੇ ਤੇ ਬਿਠਾਇਆ ਗਿਆ ਹੈ।
ਕੋਵਿਡ-19 ਦੇ ਚੱਲਦਿਆਂ ਸਮਾਗਮ ਵਿੱਚ ਸ਼ਮੂਲੀਅਤ ਕਰਨ ਵਾਲੇ ਮਹਿਮਾਨਾਂ ਦੀ ਗਿਣਤੀ ਸੀਮਤ ਰੱਖੀ ਗਈ ਹੈ।
ਟਰਨਰ ਦਾ ਸਵਰਗਵਾਸ 19 ਸਤੰਬਰ ਨੂੰ 91 ਸਾਲ ਦੀ ਉਮਰ ਵਿੱਚ ਹੋਇਆ।
1984 ਵਿੱਚ ਕੁਝ ਸਮੇਂ ਲਈ ਪ੍ਰਧਾਨ ਮੰਤਰੀ ਦਾ ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਉਨ੍ਹਾਂ ਨੇ ਕਈ ਦਹਾਕੇ ਰਾਜਨੀਤੀ ਵਿੱਚ ਗੁਜ਼ਾਰੇ ਜਿਸ ਦੌਰਾਨ ਉਹ ਸੌਲੀਸਿਟਰ ਜਨਰਲ ਅਤੇ ਜਸਟਿਸ ਤੇ ਫਾਇਨੈਂਸ ਮਨਿਸਟਰ ਵੀ ਰਹੇ।
