13.04C Vancouver 13.04C VancouverJan 21, 2020 2:56 PM -
ਸੇਂਟ ਜੌਨਜ਼, ਨਿਊਫੰਡਲੈਂਡ ਵਿਖੇ ਬਰਫੀਲੇ ਤੂਫਾਨ ਕਾਰਨ ਪਈ 76 ਸੈਂਟੀਮੀਟਰ ਦੀ ਬਰਫ ਸਦਕਾ ਜਨ ਜੀਵਨ ਬਹੁਤ ਪ੍ਰਭਾਵਿਤ ਹੋਇਆ ਹੈ ਅਤੇ ਜਿਥੇ ਬਰਫ ਹਟਾਉਣ ਦਾ ਕੰਮ ਲਗਾਤਾਰ ਜਾਰੀ ਹੈ, ਓਥੇ ਹੀ ਪੰਜਵੇਂ ਦਿਨ ਵੀ ਸਟੇਟ ਆਫ਼ ਐਮਰਜੈਂਸੀ (state of emergency) ਬਰਕਰਾਰ ਰਹੇਗੀ।
ਡਿਫੈਂਸ ਮਨਿਸਟਰ ਹਰਜੀਤ ਸੱਜਣ (Defence Minister Harjit Sajjan) ਮੁਤਾਬਕ 450 ਫੌਜੀ ਅਤੇ 175 ਮਿਲਿਟਰੀ ਰਿਜ਼ਰਵ ਦੇ ਮੈਂਬਰ ਅੱਜ ਨਿਊਫੰਡਲੈਂਡ ਵਿੱਚ ਰਾਹਤ ਕਾਰਜ ਵਿੱਚ ਹੱਥ ਵੰਡਾਉਂਣਗੇ।
ਭਾਰੀ ਬਰਫ ਕਾਰਣ ਇੱਕ ਥਾਂ ਤੋਂ ਦੂਸਰੀ ਥਾਂ ਜਾਣਾ ਫਿਲਹਾਲ ਬਹੁਤ ਮੁਸ਼ਕਲ ਹੈ ਅਤੇ ਬਹੁਤ ਸਾਰੇ ਲੋਕ ਖਾਣ ਪੀਣ ਦੀਆਂ ਚੀਜ਼ਾਂ ਲਈ ਇੱਕ ਦੂਸਰੇ ਤੇ ਨਿਰਭਰ ਕਰ ਰਹੇ ਹਨ।
ਕੁਝ ਸਟੋਰ ਥੋੜ੍ਹਾ ਸਮਾਂ ਖੁੱਲ੍ਹੇ ਰਹਿਣਗੇ ਤਾਂ ਕਿ ਖਾਣ ਪੀਣ ਦੀਆਂ ਮੁੱਢਲੀਆਂ ਚੀਜ਼ਾਂ ਖਰੀਦੀਆਂ ਜਾ ਸਕਣ।
ਫਾਰਮੇਸੀਆਂ ਅਤੇ ਗੈਸ ਸਟੇਸ਼ਨਾਂ ਤੋਂ ਇਲਾਵਾ ਤਕਰੀਬਨ ਸਾਰੇ ਬਿਜ਼ਨੈੱਸ ਬੰਦ ਰਹਿਣਗੇ।
