12.89C Vancouver 12.89C VancouverMar 7, 2025 2:29 PM - The Canadian Press
ਕੈਨੇਡੀਅਨ ਅਰਥਵਿਵਸਥਾ ਨੇ ਫਰਵਰੀ ਵਿਚ ਨੈੱਟ 1,100 ਨੌਕਰੀਆਂ ਹੀ ਸ਼ਾਮਲ ਕੀਤੀਆਂ ਹਨ ਅਤੇ ਇਹ ਵੀ ਪੂਰੀ ਤਰ੍ਹਾਂ ਪਾਰਟ-ਟਾਈਮ ਕੰਮ ਵਿਚ ਸਨ। ਸਟੈਟਿਸਟਿਕਸ ਕੈਨੇਡਾ ਨੇ ਅੱਜ ਜਾਰੀ ਰਿਪੋਰਟ ਵਿਚ ਕਿਹਾ ਕਿ ਪਿਛਲੇ ਮਹੀਨੇ ਕੈਨੇਡੀਅਨ ਲੇਬਰ ਮਾਰਕੀਟ ਵਿਚ ਸੁਸਤੀ ਮਹਿਸੂਸ ਹੋਈ ਅਤੇ ਬੇਰੁਜ਼ਗਾਰੀ ਦਰ 6.6 ਫੀਸਦੀ 'ਤੇ ਬਰਕਰਾਰ ਹੈ। ਇਸ ਤੋਂ ਪਹਿਲਾਂ ਜਨਵਰੀ ਵਿਚ ਕੈਨੇਡੀਅਨ ਅਰਥਵਿਵਸਥਾ ਨੇ 76,000 ਨੌਕਰੀਆਂ ਜੋੜੀਆਂ ਸਨ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਫਰਵਰੀ ਵਿਚ 19,700 ਪੂਰੇ ਸਮੇਂ ਦੀਆਂ ਨੌਕਰੀਆਂ ਦਾ ਨੁਕਸਾਨ ਹੋਇਆ, ਜਿਸ ਦੀ ਭਰਪਾਈ 20,800 ਪਾਰਟ-ਟਾਈਮ ਨੌਕਰੀਆਂ ਦੇ ਵਾਧੇ ਨਾਲ ਹੋਈ,ਇਸ ਤਰ੍ਹਾਂ ਕੈਨੇਡੀਅਨ ਅਰਥਵਿਵਸਥਾ ਨੇ ਸ਼ੁੱਧ ਰੂਪ ਨਾਲ 1,100 ਨੌਕਰੀਆਂ ਦਾ ਵਾਧਾ ਦਰਜ ਕੀਤਾ।
ਪਿਛਲੇ ਮਹੀਨੇ ਨੌਕਰੀਆਂ ਦੇਣ ਦੀ ਅਗਵਾਈ ਥੋਕ, ਪ੍ਰਚੂਨ ਵਪਾਰ ਖੇਤਰ ਅਤੇ ਵਿੱਤ,ਬੀਮਾ,ਰੀਅਲ ਅਸਟੇਟ,ਕਿਰਾਏ ਤੇ ਲੀਜ਼ਿੰਗ ਉਦਯੋਗ ਨੇ ਕੀਤੀ। ਇਹ 12 ਮਾਰਚ ਨੂੰ ਬੈਂਕ ਆਫ ਕੈਨੇਡਾ ਦੇ ਵਿਆਜ ਦਰ ਬਾਰੇ ਫੈਸਲੇ ਤੋਂ ਪਹਿਲਾਂ ਆਖਰੀ ਪ੍ਰਮੁੱਖ ਡੇਟਾ ਹੈ।ਕਰੰਸੀ ਸਵੈਪ ਮਾਰਕਿਟ ਨੇ ਵਿਆਜ ਦਰਾਂ ਵਿਚ ਕਟੌਤੀ ਦੀ 73 ਫੀਸਦੀ ਸੰਭਾਵਨਾ ਜਤਾਈ ਹੈ।
