19.77C Vancouver 19.77C VancouverOct 7, 2020 3:40 PM -
ਮਨਿਸਟਰ ਆਫ ਇਨਵਾਇਰਮੈਂਟ ਐਂਡ ਕਲਾਈਮੇਟ ਚੇਂਜ ਜੋਨੱਥਨ ਵਿਲਕਿਨਸਨ ਮੁਤਾਬਕ ਕੈਨੇਡਾ ਵਿੱਚ ਪਲਾਸਟਿਕ ਦੀਆਂ ਚੀਜ਼ਾਂ ਉੱਤੇ ਲੱਗਣ ਵਾਲੀ ਪਾਬੰਦੀ ਅਧੀਨ ਸਭ ਤੋਂ ਪਹਿਲਾਂ 6 ਉਨ੍ਹਾਂ ਸਿੰਗਲ ਯੂਜ਼ ਪਲਾਸਟਿਕ ਚੀਜ਼ਾਂ ਉੱਤੇ ਪਾਬੰਦੀ ਲਾਈ ਜਾਵੇਗੀ ਜਿਨ੍ਹਾਂ ਨੂੰ ਰੀਸਾਈਕਲ ਕਰਨਾ ਮੁਸ਼ਕਿਲ ਹੈ ਅਤੇ ਜਿਨ੍ਹਾਂ ਦੀ ਥਾਂ ਤੇ ਪਹਿਲਾਂ ਤੋਂ ਹੀ ਵਾਤਾਵਰਨ ਲਈ ਅਨੁਕੂਲ ਵਿਕਲਪ ਮੌਜੂਦ ਹਨ।
ਅਗਲੇ ਸਾਲ ਦੇ ਅਖੀਰ ਤੱਕ ਪਲਾਸਟਿਕ ਸਟਰੌਅ, ਸਟਰ ਸਟਿੱਕ, ਕੈਰੀ ਆਊਟ ਬੈਗ, ਕਟਲਰੀ, ਪਲਾਸਟਿਕ ਦੇ ਭਾਂਡੇ, ਟੇਕ ਆਊਟ ਕੰਟੇਨਰ ਅਤੇ ਕੈਨ ਅਤੇ ਬੋਤਲਾਂ ਦੇ ਸਿਕਸ-ਪੈਕ ਰਿੰਗ ਉੱਤੇ ਰੋਕ ਲਾ ਦਿੱਤੀ ਜਾਵੇਗੀ।
ਵਿਲਕਨਸਨ ਅਨੁਸਾਰ ਪਲਾਸਟਿਕ ਬੋਤਲਾਂ ਵਰਗੀਆਂ ਜਿਹੜੀਆਂ ਚੀਜ਼ਾਂ ਇਸ ਸੂਚੀ ਵਿੱਚ ਸ਼ਾਮਿਲ ਨਹੀਂ ਹਨ, ਨੂੰ ਤਿਆਰ ਕਰਨ ਲਈ ਨਵੇਂ ਮਿਆਰ ਹੋਣਗੇ ਤਾਂਕਿ ਉਨ੍ਹਾਂ ਵਿੱਚ ਸਹੀ ਮਾਤਰਾ ਵਿੱਚ ਰੀਸਾਈਕਲ ਮਟੀਰੀਅਲ ਹੋਵੇ।
ਉਨ੍ਹਾਂ ਕਿਹਾ ਕਿ ਪਲਾਸਟਿਕ ਦੀਆਂ ਹੋਰ ਚੀਜ਼ਾਂ ਨੂੰ ਤਿਆਰ ਕਰਨ ਲਈ ਵੀ ਨਵੇਂ ਮਿਆਰ ਰੱਖਣ ਉੱਤੇ ਜ਼ੋਰ ਪਾਇਆ ਜਾ ਰਿਹਾ ਹੈ ਤਾਂ ਜੋ ਉਨ੍ਹਾਂ ਨੂੰ ਰੀਸਾਈਕਲ ਕਰਨਾ ਆਸਾਨ ਹੋ ਸਕੇ।
ਐਲਬਰਟਾ ਸਰਕਾਰ ਵੱਲੋਂ ਮੰਗਲਵਾਰ ਨੂੰ ਇਹ ਐਲਾਨ ਕੀਤਾ ਗਿਆ ਸੀ ਕਿ ਕੈਨੇਡਾ ਦੀ ਰੀਸਾਈਕਲਿੰਗ ਇੰਡਸਟਰੀ ਦੇ ਉਹ ਮੋਢੀ ਬਣਨਾ ਚਾਹੁੰਦੇ ਹਨ।
ਕੈਨੇਡਾ ਵੱਲੋਂ ਹਰ ਸਾਲ ਤਿੰਨ ਮਿਲੀਅਨ ਟਨ ਦੇ ਪਲਾਸਟਿਕ ਦਾ ਨਿਰਮਾਣ ਕੀਤਾ ਜਾਂਦਾ ਹੈ ਜਿਸ ਵਿੱਚੋਂ 10 ਫ਼ੀਸਦੀ ਤੋਂ ਘੱਟ ਰੀਸਾਈਕਲ ਹੁੰਦਾ ਹੈ।
2030 ਤੱਕ ਕੈਨੇਡਾ ਵਿੱਚ ‘ਜ਼ੀਰੋ ਪਲਾਸਟਿਕ ਵੇਸਟ’ ਦਾ ਟੀਚਾ ਰੱਖਿਆ ਗਿਆ ਹੈ।
