21.1C Vancouver 21.1C VancouverMar 15, 2022 10:03 PM - The Canadian Press
ਬੀ.ਸੀ. ਦੇ ਟੈਰੇਸ ਇਲਾਕੇ 'ਚ ਇੱਕ ਪ੍ਰਾਈਵੇਟ ਸਕੂਲ ਦੇ ਵਿਦਿਆਰਥੀ ਸੋਗ 'ਚ ਹਨ।
ਸਕੂਲ ਦੇ 2 ਵਿਦਿਆਰਥੀਆਂ, ਜੋ ਕਿ ਭੈਣ-ਭਰਾ ਸਨ ਉਨ੍ਹਾਂ ਨੇ ਇੱਕ ਕਰੈਸ਼ 'ਚ ਜਾਨ ਗਵਾ ਦਿੱਤੀ ਹੈ।
ਮਾਮਲਾ ਬੀਤੇ ਹਫ਼ਤੇ ਦਾ ਦੱਸਿਆ ਗਿਆ ਹੈ।
ਆਪਣੀ ਮਾਂ ਨਾਲ ਇਹ ਵਿਦਿਆਰਥੀ ਸਕੂਲ ਵੱਲ ਆ ਰਹੇ ਸਨ ਜਦ ਉਨ੍ਹਾਂ ਦੀ ਗੱਡੀ ਇੱਕ ਆਹਮੋ-ਸਾਹਮਣੇ ਦੇ ਕਰੈਸ਼ ਦਾ ਸ਼ਿਕਾਰ ਬਣ ਗਈ।
ਘਟਨਾ 'ਚ ਉਨ੍ਹਾਂ ਦੀ ਮਾਂ ਦੀ ਵੀ ਮੌਤ ਹੋ ਗਈ।
ਇੱਕ ਫੇਸਬੁੱਕ ਪੋਸਟ 'ਚ ਸੈਂਟੈਨੀਅਲ ਕ੍ਰਿਸਟਨ ਸਕੂਲ ਨੇ ਜਾਣਕਾਰੀ ਦਿੱਤੀ ਕਿ ਪੀੜਤਾਂ 'ਚ ਗਰੇਡ 6 ਦਾ ਵਿਦਿਆਰਥੀ ਐਸ਼ਟਨ ਹੈਸਕੈਥ, ਉਸ ਦੀ ਗਰੇਡ 4 'ਚ ਪੜ੍ਹਦੀ ਭੈਣ ਕਾਇਲੀ ਅਤੇ ਉਨ੍ਹਾਂ ਦੀ ਮਾਂ ਐਲਿਜ਼ਾਬੈਥ ਸ਼ਾਮਿਲ ਸੀ।
ਸਕੂਲ ਨੇ ਦੱਸਿਆ ਕਿ ਘਟਨਾ ਤੋਂ ਬਾਅਦ ਸਾਰੀ ਕਮਿਊਨਿਟੀ ਸਦਮੇ 'ਚ ਹੈ।
ਕੀਟੀਮੈਟ ਆਰ.ਸੀ.ਐਮ.ਪੀ. ਨੇ ਪੁਸ਼ਟੀ ਕੀਤੀ ਹੈ ਕਿ ਸ਼ੁੱਕਰਵਾਰ ਨੂੰ ਇੱਕ ਗੱਡੀ ਅਤੇ ਟਰਾਂਸਪੋਰਟ ਟਰੱਕ ਵਿਚਾਲੇ ਕਰੈਸ਼ ਵਾਪਰ ਗਿਆ ਸੀ ਅਤੇ ਇਸ ਦੌਰਾਨ 3 ਲੋਕਾਂ ਦੀ ਮੌਤ ਹੋ ਗਈ ਸੀ।
ਘਟਨਾ ਟੈਰੇਸ ਅਤੇ ਕੀਟੀਮੈਟ ਵਿਚਾਲੇ ਹਾਈਵੇਅ 37 'ਤੇ ਵਾਪਰੀ ਸੀ।
