18.34C Vancouver 18.34C VancouverNov 9, 2021 10:51 PM - The Canadian Press
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਮੌਸਮ ਦੇ ਬਦਲਾਅ ਕਾਰਨ ਆਊਟੇਜਿਸ ਦਾ ਵਧੇਰੇ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਇਸੇ ਸੰਬੰਧੀ ਇੱਕ ਰਿਪੋਰਟ ਅਨੁਸਾਰ ਦੱਸਿਆ ਗਿਆ ਹੈ ਕਿ ਸੂਬੇ 'ਚ ਬਲੈਕਆਊਟ ਦੇ ਲਈ ਤਿਆਰੀ 'ਚ ਲੋਅਰ ਮੇਨਲੈਂਡ ਨਿਵਾਸੀ ਵਧੇਰੇ ਅੱਗੇ ਹਨ।
ਕਰਾਊਨ ਯੂਟਿਲਿਟੀ ਦੀ ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਲੋਅਰ ਮੇਨਲੈਂਡ ਦੇ ਕਰੀਬ ਅੱਧੇ ਨਿਵਾਸੀ ਸੋਚਦੇ ਹਨ ਕਿ ਉਨ੍ਹਾਂ ਦਾ ਇਲਾਕਾ ਤੂਫਾਨ ਸੰਬੰਧੀ ਬੱਤੀ ਗੁਲ ਹੋਣ ਦੀ ਸਮੱਸਿਆ ਲਈ ਸਭ ਤੋਂ ਵਧ ਤਿਆਰ ਹੈ।
ਹਾਲਾਂਕਿ ਇਸ 'ਚ ਅੱਧੇ ਤੋਂ ਵੀ ਘਟ ਲੋਕਾਂ ਕੋਲ ਕੋਈ ਪੁਖਤਾ ਆਊਟੇਜ ਪਲੈਨ ਹੈ ਜਾਂ ਘਰਾਂ 'ਚ ਐਮਰਜੈਂਸੀ ਕਿਟ ਉਪਲਬਧ ਹਨ।
ਬੁਲਾਰੇ ਕਾਇਲ ਡੌਨਲਡਸਨ ਨੇ ਕਿਹਾ ਕਿ ਉੱਤਰੀ ਬੀ.ਸੀ. ਜਿਹੇ ਇਲਾਕਿਆਂ 'ਚ ਵਧੇਰੇ ਆਊਟੇਜਿਸ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਇਨ੍ਹਾਂ ਇਲਾਕਿਆਂ 'ਚ ਲੋਕ ਬੱਤੀ ਗੁਲ ਹੋਣ ਸੰਬੰਧੀ ਪ੍ਰੇਸ਼ਾਨੀ ਲਈ ਖੁਦ ਨੂੰ ਘਟ ਤਿਆਰ ਦਸਦੇ ਹਨ।
ਹਾਲਾਂਕਿ ਇਨ੍ਹਾਂ ਇਲਾਕਿਆਂ 'ਚ 62% ਲੋਕਾਂ ਕੋਲ ਘਰਾਂ 'ਚ ਐਮਰਜੈਂਸੀ ਕਿਟ ਉਪਲਬਧ ਹਨ।
ਵੈਨਕੂਵਰ ਆਈਲੈਂਡ 'ਤੇ ਵੀ ਇਸ ਪ੍ਰਕਾਰ ਦੀ ਸਮੱਸਿਆ ਦਾ ਆਮ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਇਸ ਇਲਾਕੇ ਦੇ 58% ਲੋਕਾਂ ਨੂੰ ਲਗਦਾ ਹੈ ਕਿ ਉਹ ਸਮੱਸਿਆ ਨਾਲ ਨਜਿੱਠਣ ਲਈ ਤਿਆਰ ਹਨ।
ਹਾਲਾਂਕਿ 22% ਲੋਕਾਂ ਨੂੰ ਲਗਦਾ ਹੈ ਕਿ ਇਹ ਇਲਾਕਾ ਬਲੈਕਆਊਟ ਨਾਲ ਨਜਿੱਠਣ ਲਈ ਸੂਬੇ 'ਚ ਸਭ ਤੋਂ ਵਧ ਤਿਆਰੀ ਵਾਲਾ ਇਲਾਕਾ ਹੈ।
70% ਬੀ.ਸੀ. ਵਾਸੀਆਂ ਦਾ ਕਹਿਣਾ ਹੈ ਕਿ ਬੱਤੀ ਗੁਲ ਹੋਣ ਮੌਕੇ ਸੈਲਫੋਨ ਤਕ ਸੌਖੀ ਪਹੁੰਚ ਹੋਣਾ ਬੇਹੱਦ ਜਰੂਰੀ ਹੈ।
