13.57C Vancouver 13.57C VancouverNov 29, 2024 5:24 PM - The Canadian Press
ਕੈਨੇਡਾ ਦੀ ਸੁਪਰੀਮ ਕੋਰਟ ਨੇ ਬ੍ਰਿਟਿਸ਼ ਕੋਲੰਬੀਆ ਨੂੰ ਫੈਡਰਲ ਤੇ ਸੂਬਾ ਸਰਕਾਰਾਂ ਤਰਫੋਂ ਓਪੀਔਡ ਕਾਰਨ ਹੋਣ ਵਾਲੇ ਸਿਹਤ ਸੰਭਾਲ ਖਰਚ ਦੀ ਭਰਪਾਈ ਲਈ ਫਾਰਮਾ ਕੰਪਨੀਆਂ, ਵਿਤਰਕਾਂ ਅਤੇ ਰਿਟੇਲਰ ਖਿਲਾਫ ਮੁਕੱਦਮਾ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਇਸ ਨਾਲ ਓਪੀਔਡ ਦਵਾਈਆਂ ਦੇ ਉਤਪਾਦਕ, ਵਿਤਰਕ ਅਤੇ ਰਿਟੇਲਰ ਖਿਲਾਫ ਦੇਸ਼ ਵਿਆਪੀ ਕਾਰਵਾਈ ਦਾ ਰਾਹ ਪੱਧਰਾ ਹੋ ਗਿਆ ਹੈ।
ਕੰਪਨੀਆਂ ਨੇ ਸੂਬੇ ਦੇ ਓਪੀਔਡ ਨੁਕਸਾਨ ਅਤੇ ਸਿਹਤ ਦੇਖ-ਰੇਖ ਦੀ ਲਾਗਤ ਰਿਕਵਰੀ ਕਾਨੂੰਨ ਦੀ ਧਾਰਾ 11 ਖਿਲਾਫ ਸੁਪਰੀਮ ਕੋਰਟ ਵਿਚ ਪਹੁੰਚ ਕੀਤੀ ਸੀ ਪਰ ਸਰਵਉੱਚ ਅਦਾਲਤ ਨੇ ਕੰਪਨੀਆਂ ਦੀ ਅਪੀਲ ਨੂੰ ਰੱਦ ਕਰ ਦਿੱਤਾ।
ਬੀ.ਸੀ. ਦੇ ਓਪੀਔਡ ਨੁਕਸਾਨ ਕਾਨੂੰਨ ਦੀ ਇਹ ਧਾਰਾ ਬੀ. ਸੀ. ਨੂੰ ਫੈਡਰਲ ਸਰਕਾਰ ਜਾਂ ਕਿਸੇ ਵੀ ਅਜਿਹੇ ਸੂਬੇ ਵਲੋਂ ਓਪੀਔਡ ਪ੍ਰਦਾਤਾਵਾਂ ਤੋਂ ਨੁਕਸਾਨ ਦੀ ਭਰਪਾਈ ਲਈ ਮੁਕੱਦਮਾ ਦਾਇਰ ਕਰਨ ਦੀ ਮਨਜ਼ੂਰੀ ਦਿੰਦੀ ਹੈ, ਜਿਸ ਨੇ ਇਨ੍ਹਾਂ ਡਰੱਗਜ਼ ਕਾਰਨ ਮਰੀਜ਼ਾਂ ਦੇ ਇਲਾਜ ਲਈ ਪੈਸਾ ਖ਼ਰਚ ਕੀਤਾ ਹੋਵੇ।
