14.75C Vancouver 14.75C VancouverJul 29, 2021 11:17 PM -
ਕੈਨੇਡਾ ਨੂੰ ਟੋਕਿਓ ਖੇਡਾਂ ਦੇ 6ਵੇਂ ਦਿਨ ਰੋਇੰਗ 'ਚ ਕਾਮਯਾਬੀ ਹਾਸਿਲ ਹੋਈ। ਵਿਕਟੋਰੀਆ ਦੀ ਕੇਲੀ ਫਿਲਮਰ ਅਤੇ ਸਰੀ ਦੀ ਹਿਲਰੀ ਜੈਨਸਨ ਨੂੰ ਔਰਤਾਂ ਦੇ ਪੇਅਰ ਈਵੈਂਟ 'ਚ ਕਾਂਸੀ ਦਾ ਤਗਮਾ ਹਾਸਿਲ ਹੋਇਆ। ਇਸੇ ਈਵੈਂਟ 'ਚ ਨਿਊਜ਼ੀਲੈਂਡ ਨੂੰ ਗੋਲਡ ਅਤੇ ਰਸ਼ੀਅਨ ਓਲੰਪਿਕ ਕਮੇਟੀ ਨੂੰ ਚਾਂਦੀ ਦਾ ਤਗਮਾ ਹਾਸਿਲ ਹੋਇਆ।
ਓਲੰਪਿਕਸ ਵਿੱਚ 6ਵੇਂ ਦਿਨ ਤੈਰਾਕੀ 'ਚ ਕੈਨੇਡਾ ਨੇ ਚੰਗਾ ਪ੍ਰਦਰਸ਼ਨ ਕਰਨ ਦੇ ਬਾਵਜੂਦ ਮੈਡਲ ਜਿੱਤਣ ਦਾ ਮੌਕਾਗਵਾ ਦਿੱਤਾ। ਔਰਤਾਂ ਦੀ 4 ਗੁਣਾ 200 ਮੀਟਰ ਫ੍ਰੀਸਟਾਈਲ ਰਿਲੇ ਈਵੈਂਟ 'ਚ ਕੈਨੇਡਾ ਨੂੰ ਚੌਥਾ ਸਥਾਨ ਹਾਸਿਲ ਹੋਇਆ। ਹਾਲਾਂਕਿ ਇਸ ਈਵੈਂਟ ਦੌਰਾਨ ਕਨੇਡੀਅਨ ਤੈਰਾਕਾਂ ਨੇ ਨਵਾਂ ਕਨੇਡੀਅਨ ਰਿਕਾਰਡ ਸਥਾਪਿਤ ਕੀਤਾ।
ਜੂਡੋ 'ਚ ਕੈਨੇਡਾ ਦੇ ਸ਼ੇਡ਼ੀ ਐਲਨਹਾਸ ਨੂੰ ਟੋਕਿਓ ਓਲੰਪਿਕਸ ਵਿੱਚ ਮੈਡਲ ਜਿੱਤਣ 'ਚ ਕਾਮਯਾਬੀ ਨਹੀਂ ਮਿਲ ਸਕੀ। ਐਲਨਹਾਸ 100kg ਭਾਰਵਰਗ ਵਿੱਚ 5ਵਾਂ ਸਥਾਨ ਹਾਸਿਲ ਹੋਇਆ। ਉਹ ਪੁਰਤਗਾਲ ਦੇ ਜੌਰਜ ਫੌਨਸੈਕਾ ਤੋਂ ਮੁਕਾਬਲਾ ਹਰ ਗਏ। 23 ਸਾਲਾ ਐਲਨਹਾਸ ਨੇ ਆਪਣੀ ਇਸ ਹਾਰ ਨੂੰ ਦਬਾਅ ਵਾਲੇ ਮੁਕਾਬਲੇ ਕੀਤੀ ਗਈ ਇੱਕ ਗਲਤੀ ਕਾਰਨ ਗਵਾਇਆ ਦੱਸਿਆ।
ਕੈਨੇਡਾ ਦੀ ਬਾਸਕਿਟਬਾਲ ਟੀਮ ਨੂੰ ਦੱਖਣੀ ਕੋਰੀਆ ਵਿਰੁੱਧ ਜਿੱਤ ਹਾਸਿਲ ਹੋਈ। ਕੈਨੇਡਾ ਨੇ ਦੱਖਣੀ ਕੋਰੀਆ ਨੂੰ 74-53 ਦੇ ਫਰਕ ਨਾਲ ਹਰਾਇਆ। ਉੱਧਰ ਕੈਨੇਡਾ ਦੀ ਬੀਚ ਵਾਲੀਬਾਲ ਟੀਮ ਨੇ ਵੀ ਜਿੱਤ ਦਰਜ ਕੀਤੀ।
ਟੋਕਿਓ ਖੇਡਾਂ ਦੇ 6ਵੇਂ ਦਿਨ ਕੈਨੇਡਾ ਦੀ ਝੋਲੀ 'ਚ ਇੱਕ ਕਾਂਸੀ ਦਾ ਤਗਮਾ ਪਿਆ। ਇਸ ਦੇ ਨਾਲ ਹੀ ਹੁਣ ਕੈਨੇਡਾ ਦੇ ਖਾਤੇ 'ਚ ਕੁੱਲ 10 ਤਗਮੇ ਪੈ ਗਏ ਹਨ, ਜਿਸ 'ਚ 2 ਗੋਲਡ ਮੈਡਲ ਵੀ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਕੈਨੇਡਾ ਨੇ 3 ਸਿਲਵਰ ਅਤੇ 5 ਕਾਂਸੀ ਦੇ ਤਗਮੇ ਜਿੱਤੇ ਹਨ। ਖਾਸ ਗੱਲ ਇਹ ਹੈ ਕਿ ਹੁਣ ਤਕ ਕੈਨੇਡਾ ਦੀ ਝੋਲੀ 'ਚ ਸਾਰੇ ਤਗਮੇ ਮਹਿਲਾ ਖਿਡਾਰਨਾਂ ਨੇ ਪਾਏ ਹਨ।
