16.17C Vancouver 16.17C VancouverSep 22, 2022 9:22 PM - Connect News
ਜਿਵੇਂ-ਜਿਵੇਂ ਸਰੀ ਦੀ ਸਿਵਿਕ ਚੋਣ ਨੇੜੇ ਆਉਂਦੀ ਜਾ ਰਹੀ ਹੈ, ਉਸ ਦੇ ਨਾਲ ਹੀ ਚੋਣਾਂ 'ਚ ਉੱਤਰ ਰਹੀਆਂ ਪਾਰਟੀਆਂ ਦੇ ਵਾਅਦੇ ਅਤੇ ਚੋਣ ਸਰਗਰਮੀਆਂ ਵੀ ਤੇਜ ਹੁੰਦੀਆਂ ਜਾ ਰਹੀਆਂ ਹਨ।
ਇਸੇ ਦਰਮਿਆਨ ਸਰੀ ਫੌਰਵਰਡ ਨੇ ਆਖਿਆ ਹੈ ਕਿ ਸ਼ਹਿਰ ਨੂੰ ਬਿਹਤਰ ਟ੍ਰਾਂਜ਼ਿਟ ਦੀ ਲੋੜ ਹੈ।
ਸਰੀ ਫੌਰਵਰਡ ਦੀ ਮੇਅਰਲ ਕੈਂਡੀਡੇਟ ਜਿਨੀ ਸਿਮਸ ਨੇ ਕਿਹਾ ਕਿ ਫਲੀਟਵੁਡ, ਨਿਊਟਨ, ਪੈਨੋਰਾਮਾ ਅਤੇ ਸਾਊਥ ਸਰੀ ਦੇ ਇਲਾਕਿਆਂ ਨੂੰ ਟ੍ਰਾਂਜ਼ਿਟ ਸਿਸਟਮ ਨਾਲ ਜੁੜਨ ਲਈ ਸਕਾਈਟਰੇਨ ਸੇਵਾ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਟ੍ਰਾਂਜ਼ਿਟ ਆਸਰੇ ਸਸਟੇਨੇਬਲ ਅਤੇ ਅਫੋਰਡੇਬਲ ਹਾਊਸਿੰਗ ਆਸਾਨ ਬਣ ਜਾਂਦੀ ਹੈ ਅਤੇ ਇਸ ਆਸਰੇ ਲੋਕ ਕੰਮ, ਸ਼ੌਪਿੰਗ, ਰੀਕ੍ਰੀਏਸ਼ਨ ਅਤੇ ਆਸਥਾ ਦੀਆਂ ਥਾਵਾਂ 'ਤੇ ਵੀ ਆਸਾਨੀ ਨਾਲ ਪਹੁੰਚ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਚੰਗੇ ਟ੍ਰਾਂਜ਼ਿਟ ਸਿਸਟਮ ਦੀ ਗੈਰਮੌਜੂਦਗੀ 'ਚ ਗੈਸ, ਪਾਰਕਿੰਗ ਅਤੇ ਗੱਡੀਆਂ ਦੇ ਖਰਚੇ ਵਧਦੇ ਹਨ।
ਜਿਨੀ ਸਿਮਸ ਨੇ ਇਹ ਟਿੱਪਣੀ ਕਿੰਗ ਜੌਰਜ ਤੋਂ ਨਿਊਟਨ ਦੇ ਇਲਾਕੇ 'ਚ ਸਕਾਈਟਰੇਨ ਵਾਧੇ ਸੰਬੰਧੀ ਆਪਣਾ ਸਟੈਂਡ ਸਪਸ਼ਟ ਕਰਦੇ ਹੋਏ ਕੀਤੀ ਹੈ।
