18.62C Vancouver 18.62C VancouverSep 23, 2021 10:21 PM -
ਸਰੀ ਗੈਂਗ ਐਨਫੋਰਸਮੈਂਟ ਟੀਮ ਵੱਲੋਂ ਏਅਰ 1 ਦੀ ਮਦਦ ਨਾਲ ਇੱਕ ਪ੍ਰੋਹਿਬਿਟਿਡ ਵਾਹਨ ਚਾਲਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਕਥਿਤ ਤੌਰ 'ਤੇ ਸ਼ੱਕੀ ਕਲੌਵਰਡੇਲ ਇਲਾਕੇ ਤੋਂ ਪੁਲਿਸ ਨੂੰ ਚਕਮਾ ਦੇ ਕੇ ਨਿਕਲ ਗਿਆ ਸੀ।
ਮਾਮਲਾ 16 ਸਿਤੰਬਰ ਦਾ ਦੱਸਿਆ ਗਿਆ ਹੈ।
ਸ਼ਾਮ ਕਰੀਬ 6.35 'ਤੇ ਸਰੀ ਆਰ.ਸੀ.ਐਮ.ਪੀ. ਦੀ ਗੈਂਗ ਐਨਫੋਰਸਮੈਂਟ ਯੂਨਿਟ ਅਤੇ ਸਰੀ ਡਰੱਗ ਯੂਨਿਟ ਵੱਲੋਂ ਕਲੌਵਰਡੇਲ 'ਚ ਪੈਟਰੋਲਿੰਗ ਕੀਤੀ ਜਾ ਰਹੀ ਸੀ।
ਇਸੇ ਦੌਰਾਨ 60 ਐਵੀਨਿਊ ਅਤੇ 192 ਸਟ੍ਰੀਟ ਦੇ ਇਲਾਕੇ 'ਚ ਇੱਕ ਸ਼ੱਕੀ ਵਿਅਕਤੀ ਵਿਖਾਈ ਦਿੱਤਾ।
ਪੁਲਿਸ ਨੇ ਪੁਖਤਾ ਕੀਤਾ ਕਿ ਵਾਹਨ ਚਾਲਕ ਨੂੰ ਡਰਾਈਵਿੰਗ ਤੋਂ ਰੋਕ ਲਗਾਈ ਹੋਈ ਸੀ।
ਪੁਲਿਸ ਇੱਕ ਅਨਮਾਰਕਡ ਵਾਹਨ 'ਚ ਸੀ ਅਤੇ ਐਮਰਜੈਂਸੀ ਇਕਵਿਪਮੈਂਟ ਸ਼ੁਰੂ ਨਹੀਂ ਕੀਤੀ ਸੀ ਪਰ ਪੁਲਿਸ ਅਨੁਸਾਰ ਚਾਲਕ ਨੂੰ ਸ਼ੱਕ ਹੋਇਆ ਅਤੇ ਉਹ ਤੇਜ ਰਫ਼ਤਾਰ 'ਤੇ ਮੌਕੇ ਤੋਂ ਨਿਕਲ ਗਿਆ।
ਹਾਲਾਂਕਿ ਐਸ.ਜੀ.ਈ.ਟੀ. ਨੇ ਤੁਰੰਤ ਏਅਰ 1 ਦੀ ਵਰਤੋਂ ਕਰਦੇ ਹੋਏ ਵਾਹਨ ਦਾ ਪਤਾ ਲਗਾ ਲਿਆ।
ਦੱਸਿਆ ਗਿਆ ਕਿ 176 ਸਟ੍ਰੀਟ ਅਤੇ 6100 block ਕੋਲ ਵਾਹਨ ਵਿੱਚੋਂ 2 ਲੋਕ ਨਿਕਲ ਕੇ ਭੱਜੇ ਸਨ।
ਦੋਵਾਂ ਨੂੰ ਅਫ਼ਸਰਾਂ ਨੇ ਕੁਝ ਹੀ ਸਮੇਂ 'ਚ ਗ੍ਰਿਫਤਾਰ ਕਰ ਲਿਆ।
ਵਾਹਨ ਚਾਲਕ ਦੀ ਪਛਾਣ 19 ਸਾਲਾ ਗੁਰਕਰਨ ਸੰਧੂ ਵਜੋਂ ਹੋਈ ਹੈ।
ਚਾਲਕ 'ਤੇ ਮੋਟਰ ਵਾਹਨ ਦੇ ਖਤਰਨਾਕ ਆਪ੍ਰੇਸ਼ਨ, ਪੀਸ ਅਫ਼ਸਰ ਨੂੰ ਅੜਿੱਕਾ ਪਾਉਣ ਅਤੇ ਪ੍ਰੋਹਿਬਸ਼ਨ ਦੇ ਦੌਰਾਨ ਵਾਹਨ ਚਲਾਉਣ ਦੇ ਦੋਸ਼ ਲੱਗੇ ਹਨ।
