14.28C Vancouver 14.28C VancouverJan 14, 2022 11:25 PM - Connect News
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ 67 ਸਾਲਾ ਆਦਮੀ 'ਤੇ ਚਾਕੂ ਨਾਲ ਹਮਲੇ ਦੇ ਮਾਮਲੇ ਵਿੱਚ ਇੱਕ 19 ਸਾਲਾ ਯੁਵਕ 'ਤੇ ਦੋਸ਼ ਲੱਗੇ ਹਨ।
ਘਟਨਾ ਦਿਸੰਬਰ 'ਚ ਚਲਦੀ ਸਕਾਈਟਰੇਨ 'ਚ ਵਾਪਰੀ ਸੀ।
ਟ੍ਰਾਂਜ਼ਿਟ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ 4 ਦਿਸੰਬਰ ਨੂੰ ਦੁਪਹਿਰ ਕਰੀਬ 1 ਵਜੇ ਪੀੜਤ ਵਿਅਕਤੀ ਸਰੀ ਦੇ ਸਕੌਟ ਰੋਡ ਸਟੇਸ਼ਨ ਤੋਂ ਸਕਾਈ ਟਰੇਨ 'ਚ ਸਵਾਰ ਹੋਇਆ ਸੀ।
ਜਦ ਉਸ ਨੇ ਇੱਕ ਸੀਟ 'ਤੇ ਬੈਠਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਦੀ ਗਲਤੀ ਤੋਂ ਇੱਕ ਯੁਵਕ ਨਾਲ ਟੱਕਰ ਹੋ ਗਈ।
ਪੀੜਤ ਨੇ ਸੀਟ ਛੱਡ ਦਿੱਤੀ ਅਤੇ ਟਰੇਨ ਦੇ ਅਲੱਗ ਹਿੱਸੇ 'ਚ ਜਾ ਕੇ ਬੈਠਣ ਦੀ ਕੋਸ਼ਿਸ਼ ਕੀਤੀ।
ਕਥਿਤ ਤੌਰ 'ਤੇ 19 ਸਾਲਾ ਯੁਵਕ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਉਸ ਨੂੰ ਮੁਆਫੀ ਮੰਗਣ ਲਈ ਆਖਿਆ।
ਪੀੜਤ ਵਿਅਕਤੀ ਨੇ ਯੁਵਕ ਨੂੰ ਧੱਕਾ ਦਿੱਤਾ ਅਤੇ ਮਦਦ ਹਾਸਿਲ ਕਰਨ ਲਈ ਲੋਕਾਂ ਵੱਲ ਵੇਖਿਆ।
ਪਰ ਇੰਨੇ ਨੂੰ ਉਸ ਨੂੰ ਢਿੱਡ 'ਚ ਤਿੱਖੀ ਪੀੜ ਮਹਿਸੂਸ ਹੋਈ ਅਤੇ ਉਸ ਨੇ ਵੇਖਿਆ ਕਿ ਯੁਵਕ ਦੇ ਹੱਥ 'ਚ ਚਾਕੂ ਹੈ।
ਸ਼ੱਕੀ ਵਿਅਕਤੀ ਗੇਟਵੇ ਸਟੇਸ਼ਨ ਕੋਲ ਟਰੇਨ ਵਿੱਚੋਂ ਨਿਕਲ ਕੇ ਦੌੜ ਗਿਆ।
ਸ਼ੱਕੀ ਦੀ ਪਛਾਣ ਸਰੀ ਦੇ 19 ਸਾਲਾ ਸਿਵਾਕੌਰਨ ਵੈਂਗ-ਚੈਰਨਸੈਪ ਵਜੋਂ ਹੋਈ ਹੈ।
ਉਸ 'ਤੇ ਖਤਰਨਾਕ ਹਮਲੇ ਅਤੇ ਹਥਿਆਰ ਰੱਖਣ ਜਿਹੇ ਦੋਸ਼ ਲੱਗੇ ਹਨ।
