19.99C Vancouver 19.99C VancouverJul 3, 2024 5:33 PM - The Canadian Press
ਰਿਚਮੰਡ ਆਰ.ਸੀ.ਐੱਮ.ਪੀ. ਵਲੋਂ 24 ਅਪ੍ਰੈਲ ਨੂੰ ਕਥਿਤ ਅੱਗ ਲਗਾਉਣ ਦੀ ਕੋਸ਼ਿਸ਼ ਕਰਨ ਵਾਲੇ 2 ਸ਼ੱਕੀਆਂ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ ਗਈਆਂ ਹਨ। ਪੁਲਿਸ ਦਾ ਦੋਸ਼ ਹੈ ਕਿ ਇਨ੍ਹਾਂ ਸ਼ੱਕੀਆ ਨੇ ਰਿਵਰ ਰੋਡ ਨੇੜੇ ਸਿੰਪਸਨ ਰੋਡ ’ਤੇ ਸਥਿਤ ਇਕ ਕਾਰੋਬਾਰ ਦੀ ਖਿੜਕੀ ਤੋੜੀ ਅਤੇ ਕਿਸੇ ਚੀਜ਼ ਨੂੰ ਅੱਗ ਲਗਾ ਕੇ ਇਮਾਰਤ ਅੰਦਰ ਸੁੱਟਣ ਦੀ ਕੋਸ਼ਿਸ਼ ਵੀ ਕੀਤੀ।
ਸੀ.ਸੀ.ਟੀ.ਵੀ. ਫੁਟੇਜ ਵਿਚ ਦਿਖਾਈ ਦੇ ਰਿਹਾ ਹੈ ਕਿ ਇਕ ਸ਼ੱਕੀ ਨੇ ਆਪਣੀ ਪੈਂਟ ਨੂੰ ਹੀ ਅੱਗ ਲਗਾ ਲਈ। ਪੁਲਿਸ ਅਨੁਸਾਰ ਕੁਝ ਹੋਰ ਹੋਣ ਤੋਂ ਪਹਿਲਾਂ ਹੀ ਦੋਵੇਂ ਸ਼ੱਕੀ ਉੱਥੋਂ ਫ਼ਰਾਰ ਹੋ ਗਏ। ਪੁਲਿਸ ਵਲੋਂ ਹੁਣ ਸ਼ੱਕੀਆਂ ਦੀ ਪਛਾਣ ਲਈ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਜਾ ਰਹੀ ਹੈ।
ਪੁਲਿਸ ਅਨੁਸਾਰ ਇਕ ਸ਼ੱਕੀ 40 ਤੋਂ 50 ਸਾਲ ਦੀ ਉਮਰ ਦਾ ਵਿਅਕਤੀ ਸੀ ਜਿਸ ਦੇ ਸੁਨਿਹਰੀ ਵਾਲ ਸਨ ਅਤੇ ਵਾਰਦਾਤ ਸਮੇਂ ਉਸ ਨੇ ਗੂੜੇ ਰੰਗ ਦੀ ਗੂੜ੍ਹੀ ਲੰਬੀ ਬਾਂਹ ਵਾਲੀ ਸ਼ਰਟ ਅਤੇ ਟੈਨ ਕਲਰ ਦੀ ਪੈਂਟ ਪਹਿਨੀ ਹੋਈ ਸੀ।
ਪੁਲਿਸ ਅਨੁਸਾਰ ਦੂਜਾ ਸ਼ੱਕੀ 20 ਤੋਂ 30 ਸਾਲ ਦੀ ਉਮਰ ਦਾ ਵਿਅਕਤੀ ਸੀ ਜਿਸ ਨੇ ਕਾਲੇ ਰੰਗ ਦੀ ਬਾਲਕਲਾਵਾ, ਕਾਲੇ ਰੰਗ ਦੀ ਜੌਗਰ ਸਟਾਈਲ ਪੈਂਟ, ਗੂੜੇ ਰੰਗ ਦੇ ਚਸ਼ਮੇ, ਗੂੜੇ ਰੰਗ ਦੀ ਹੁਡੀ ਅਤੇ ਨਾਈਕ ਜਾਰਡਨ ਵਾਲੇ ਉੱਚੇ ਜੁੱਤੇ ਪਹਿਨੇ ਹੋਏ ਸਨ। ਸ਼ੱਕੀਆਂ ਬਾਰੇ ਕੋਈ ਵੀ ਜਾਣਕਾਰੀ ਹੋਣ ’ਤੇ ਰਿਚਮੰਡ ਆਰ.ਸੀ.ਐੱਮ.ਪੀ. ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
