13.17C Vancouver 13.17C VancouverApr 5, 2024 1:10 PM - Connect Newsroom
ਕ੍ਰਿਕਟ ਕੈਨੇਡਾ ਅਤੇ ਟੀ.ਡੀ. ਬੈਂਕ ਗਰੁੱਪ ਨੇ ਲੋਕਲ ਕ੍ਰਿਕਟ ਨੂੰ ਹੁਲਾਰਾ ਦੇਣ ਲਈ ਨਵੀਂ ਸਪਾਂਸਰਸ਼ਿਪ ਦੀ ਘੋਸ਼ਣਾ ਕੀਤੀ ਹੈ। ਇਸ ਪਾਰਟਨਰਸ਼ਿਪ ਜ਼ਰੀਏ ਟੀ.ਡੀ.ਬੈਂਕ ਕ੍ਰਿਕਟ ਕੈਨੇਡਾ ਦੀਆਂ ਨੈਸ਼ਨਲ ਟੀਮ ਦਾ ਅਧਿਕਾਰਤ ਬੈਂਕ ਬਣ ਗਿਆ ਹੈ ਅਤੇ ਇਹ ਡੀਲ ਕ੍ਰਿਕਟ ਪ੍ਰੇਮੀਆਂ ਦੀ ਨੈਸ਼ਨਲ ਟੀਮ ਅਤੇ ਖਿਡਾਰੀਆਂ ਤੱਕ ਪਹੁੰਚ ਨੂੰ ਬਿਹਤਰ ਬਣਾਉਣ ਵਿਚ ਮਦਦ ਕਰੇਗੀ।
ਕ੍ਰਿਕਟ ਕੈਨੇਡਾ ਦੇ ਪ੍ਰਧਾਨ ਰਸ਼ਪਾਲ ਬਾਜਵਾ ਨੇ ਕਿਹਾ ਕਿ ਇਹ ਸਮਝੌਤਾ ਸਾਡੀ ਸੰਸਥਾ ਅਤੇ ਕੈਨੇਡਾ ਵਿਚ ਸਮੁੱਚੇ ਕ੍ਰਿਕਟ ਭਾਈਚਾਰੇ ਲਈ ਇੱਕ ਹੋਰ ਮਹੱਤਵਪੂਰਨ ਕਦਮ ਹੈ। ਨਵੀਂ ਸਪਾਂਸਰਸ਼ਿਪ ਦੇ ਹਿੱਸੇ ਵਜੋਂ ਟੀ.ਡੀ. ਬੈਂਕ ਗਰੁੱਪ ਨੂੰ ਨੈਸ਼ਨਲ ਟੀਮ ਦੀਆਂ ਕਿੱਟਾਂ ਅਤੇ ਹੋਰ ਟਰੇਨਿੰਗ ਸਮਾਨਾਂ ’ਤੇ ਪ੍ਰਮੁੱਖਤਾ ਨਾਲ ਪ੍ਰਦਰਸ਼ਿਤ ਕੀਤਾ ਜਾਵੇਗਾ।
ਇਸ ਦੀ ਪਹਿਲੀ ਝਲਕ ਜੂਨ ਵਿਚ ਹੋਣ ਵਾਲੇ ਆਈ.ਸੀ.ਸੀ. 2024 ਕ੍ਰਿਕੇਟ ਵਿਸ਼ਵ ਕੱਪ ਵਿਚ ਪੁਰਸ਼ਾਂ ਦੀ ਨੈਸ਼ਨਲ ਟੀਮ ਲਈ ਤਿਆਰ ਕੀਤੀਆਂ ਨਵੀਆਂ ਕਸਟਮ ਕਿੱਟ ’ਤੇ ਦਿਸੇਗੀ।
ਇਸ ਤੋਂ ਇਲਾਵਾ ਟੀ.ਡੀ. ਬੈਂਕ 2025 ਵਿਚ ਕੈਨੇਡਾ ਦੀ ਰਾਸ਼ਟਰੀ ਮਹਿਲਾ ਕ੍ਰਿਕਟ ਟੀਮ ਦਾ ਵੀ ਅਧਿਕਾਰਤ ਸਪਾਂਸਰ ਹੋਵੇਗਾ। ਟੀ.ਡੀ. ਬੈਂਕ ਗਰੁੱਪ ਦੇ ਮੁੱਖ ਮਾਰਕੀਟਿੰਗ ਅਫਸਰ ਟਾਇਰੇਲ ਸਮਿੱਟ ਨੇ ਕਿਹਾ ਕਿ ਕ੍ਰਿਕਟ ਕੈਨੇਡਾ ਨਾਲ ਸ਼ਾਮਲ ਹੋਣਾ ਸਾਡੇ ਲਈ ਸਨਮਾਨ ਦੀ ਗੱਲ ਹੈ ਅਤੇ ਜਲਦ ਹੀ ਕੈਨੇਡੀਅਨ ਕ੍ਰਿਕਟ ਦੇ ਖਿਡਾਰੀ ਟੀ.ਡੀ. ਬ੍ਰੈਂਡ ਵਿਚ ਨਜ਼ਰ ਆਉਣਗੇ।
